Eroskiko ekarpenen kontrako epaiketa hasiko da asteartean Bilbon
Bilboko Merkataritza arloko epaitegian asteartean hasiko da Adicae banku, kutxa eta aseguru erabiltzaileen elkarteak Eroskiko finantza-ekarpen subordinatuen kontra jarritako auzi-eskea argitzeko epaiketa.
Urrian ezarri zuten epaiketaren data, eta aste honetan Eroskik kaltedunei proposamena egin badie ere, ez dirudi epaiketa bertan behera geldituko denik, izan ere, kaltedunen elkarteek proposamena atzera bota dute. Proposamen horren arabera ekarpenaren % 15 eskudirutan jasoko lukete bezeroek, eta beste % 55a, berriz, 12 urterako bonuetan. Ondorioz, % 30eko kita egongo litzateke.
Adicae elkarteak auzi-eske kolektiboa aurkeztu du Eroskiko finantza-ekarpen subordinatuak erosi zituzten 71 kontsumitzaileren izenean. Litekeena da asteartea aurretik 71 horietakoren batek salaketa atzera botatzea eta Eroskiren eskaintzea onartzea edota epaiketaz kanpoko akordioren bat lortzea.
Adicaek publizitate engainagarria egitea egotzi dio Eroskiri eta BBVA finantza erakundeari ekarpenen kontratuak bertan behera uztea, eta, ondorioz, bezeroei dirua itzultzea eskatzen dio.
Epaiketako lehenengo egunean, prozesuko sustatzaileetako bost pertsonak lekuko gisa deklaratuko dute eta segidan BBVAko bi bulegotako zuzendariek eta auzi-jartzaileen artean ez dauden bost kaltedunek hitz egingo dute.
Auzitara eraman dituzten erakundeen ordezkari legalek eta kudeatzaileek ere hitz egingo dute goizean. Hurrengo egunean, alde guztiek beren ondorioak plazaratuko dituzte eta auzia epaiaren zain geldituko da.
Fiskaltzak ez du gaiaz ezer esan, eta urrian adierazi zuen epaiketa arte ez zuela bere jarrera argituko.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".