Incoesa Bedian mantentzeko inplikazioa eskatu diete Jaurlaritzari
Incoesako langileak hartzekodunen konkurtsoan daude eta konkurtsoaren administratzaileari eskatu diote Eusko Jaurlaritzak konponbide baten bilaketan lagundu dezan eta Bediako (Bizkaia) lantegia berriz irekitzeko eta jarduera mantentzeko.
Langileek 238 egun daramatzate greban ekoizpena Soriara eta Extremadurara eramateko erabakiaren aurka eta bozeramaile batek adierazi duenez, gatazka "une erabakigarri" batean dago, epaile batek langileak tokiz aldatzeko erabakia ukatu baitu eta enpresari eman dizkioten laguntza publikoak itzultzeko eskatu baitiote.
Pasaden astean, Incoesa-Trafos eta Incoesa-Trafodis taldeko bi sozietateetako biren deslokalizazio deklarazioa onartu zuen Bizkaiko Foru Aldundiak, Bediako enpresak lurraldea utzi duelakoan. Bi sozietateek 150.000 euro jaso zituzten laguntzetan eta hori itzultzea eskatzeko lehen pausua bete dute horrela.
Bilboko Merkataritzako 2. epaitegiak arrazoia eman zien langileei (langileak Soriako eta Extremadurako lantegietara tokiz aldatzeko proposamena luzatu zuen zuzendaritzak, LAB sindikatuaren arabera) eta egun batzuk beranduago etorri zen Foru Aldundiaren erabakia.
Pedro Mendo enpresa-batzordearen bozeramaileak adierazi duenez, erabaki horien ostean, enpresak eta hartzekodunen konkurtsoak egoera birplanteatuko lituzke eta Bediako lantegiaren etorkizuna argitu.
Langileek ez omen dute kaleratzerik onartuko, ezta Bizkaiko lantegia ixtea ere: horrela, mantentzeko bideragarritasun-txostena egiteko lan egiteko eskatu diote.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.