Epaileak baliogabetu egin du Incoesaren deslokalizazioa
LAB sindikatuak jakitera eman duenez, epaileak baliogabetu egin du Bediako Incoesa lantegia deslokalizatzeko enpresak zuen asmoa. Bediako lantegia itxi eta langileak Soria eta Extremadurara eraman nahi zituzten.
Ohar baten bidez, sindikatuak gogora ekarri du maiatzean Incoesa enpresak "deslokalizazio prozesua abian" jarri zuela. Prozesu horren baitan, Bediako langileak Sorian eta Extremaduran dauden lantegietara eramango zituzten. "Epaileak baliogabetzat jo du asmoa, beraz, Incoesa lantegiak Bedian jarraitzea posiblea da eta beharrezkoa da, argi dago", adierazi du LABek.
Zortzi hilabeteren ondoren, Imanol Pradales Ekonomia Sustatzeko Bizkaiko foru diputatua Incoesako langileekin "lehen aldiz" gaur bildu dela adierazi du sindikatuak.
Deslokalizazioaren inguruan Bizkaiko Foru Aldundiak azaroan abian jarri zuen espedientearen inguruko informazioa eskatu dute langileek bileran.
"Esan digutenez, Aldundiak espedientea ireki zuen eta hori enpresari igorri zion alegazioak aurkez zitzan. Azken txostena prestatzea dagokio Aldundiari", adierazi du sindikatuak.
Langileek "positibotzat" jo dute espedientearen irekiera, baina Aldundiari "arduraz" jokatzeko eskatu diote. "Orain, inoiz baino gehiago, eta epaitegien erabakia kontuan izanik, jarrera politiko egoki batek enpresaren jarrera baldintzatu dezake", azpimarratu dute.
"Bediako enpresak irekita jarraitzeko borrokan jarraituko dugu", adierazi dute langileek, eta "Bediako lantegiak irekita jarraitzeko eta lanpostuak mantentzeko inplikazioa" eskatu diete Bizkaiko Foru Aldundiari eta Eusko Jaurlaritzari.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.