Epaileak BBVA zigortu eta Eroski absolbitu du ekarpenengatik
Marcos Bermudez Bilboko Merkataritza-arloko 1 zenbakiko epaitegiko epaileak BBVAren kontra egin du, 2004 eta 2007 artean Eroskiko finantza-ekarpen subordinatuak erosi zituzten bezero batzuei dirua bueltatzea ebatzi baitu. Auzi horretan, Eroski zigorrik gabe utzi du epaileak, Fiskaltzaren eskaerekin bat eginez.
BBVAk ez zuela garbi jokatu ebatzi du epaileak, eta, horrenbestez, dirua interes eta guzti bueltatu beharko die ekarpenak erosi ondoren dirua berreskuratu ezin zutela ikusita salaketa jarri zuten 68 bezeroei.
Marcos Bermudez epaileak Fiskaltzak epaiketan eskatutakoaren bidetik jo du, eta Eroski zigorrik gabe utzi du. Epailearen iritziz, Eroski errugabea da, publizitatean eta kontratuen baldintzetan ekarpenen ezaugarriak ondo azaltzen zirelako, Bermudezen iritziz. Horrenbestez, ADICAE Banku, Aurrezki Kutxa eta Aseguruen Erabiltzaileen Elkarteak ez du lortu epaileak Eroskiren publizitatea iruzurtzat jotzea.
Interesak
Epailearen iritziz, BBVAk ez zien bezeroei behar bezalako informazioa eman, eta, horrenbestez, kontratuak baliogabetzea erabaki du. BBVAk ekarpen horien truke emandako dirua eta horri dagokion interes legala itzuli beharko ditu. Kontratuak sinatu aurretik bezeroek zeukaten egoera berreskuratzea da epailearen helburua.
Epaiaren ondorioz, bankuak jasotako dirua eta horren interesak bueltatu beharko ditu, baina bezeroek ordutik kobratu dituzten interesak itzuli beharko dituzte.
Ebazpenaren arabera, bezeroek ekarpen horiek erosteko prozesua BBVAren "erruz" akastu zen.
"Bankuak nahikoa zuen idatzizko kontratua egitearekin eta bertan argi eta garbi produktuaren baldintzak zehaztearekin, baita produktu hori erosteko arriskuak ere", dio epaiak.
"Horrela, bezeroek sinatutakoa bete beharko lukete, eta egindako akatsaren ondorioak ere bere gain hartu beharko lituzkete", zehaztu du epaileak.
Baina, "interes komertzialak" zirela medio, bankuak produktu "konplexu" hura saltzeko beste modu bat aukeratu zuela adierazi du epaileak.
Erreakzioak
Iragan astean egin zuten Eroskiren ekarpenen inguruko epaiketa. Guztira, 30.000 pertsonak erosi zituzten Eroskiren ekarpenak. ADICAEk 68 bezeroren izenean jarritako salaketa kolektibo batek jarri zuen martxan prozesua.
Epaia ezagutu ondoren, Francisco Javier Alvarado ADICAEko bozeramaileak adierazpenak egin ditu kazetarien aurrean. Ebazpena "oso positiboa" dela azpimarratu du, bezeroei dirua berreskuratzeko "itxaropena" eman dielako. Adicaeren ustez, ekarpenak erosi zituztenek dirua berreskuratu ahal izateko "argia" ematen du ebazpenak. Hala ere, aldeek oraindik errekurtsoa jar dezaketela esan du.
Elkarteak beste 800 espediente prest ditu Fagor eta Eroskiko ekarpenen harian aurkezteko.
Bestalde, BBVA helegitea jartzea aztertzen ari da, baina "ebazpenak beti errespetatu eta onartu" egiten dituela nabarmendu du.
Eroskik “pozik” hartu du epaia eta emisioa “zuzena” eta legearen araberakoa izan zela azpimarratu du.
Ohar batean, ekarpenen inguruko publizitateagatik absolbitu egin dutela nabarmendu du Eroskik eta, horren harian, “egindako publizitateagatik Eroski zigortze arrazoirik” ez dagoela gaineratu du.
Rosa Carabel Eroskiko ekonomia arduradunak epaia “oso baikorra” dela adierazi du eta ekarpenen emisioa “zuzena” eta “beti legearen araberako” izan zela berretsi du.
Albiste gehiago ekonomia
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5 igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpok Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jarriko duen erabaki beharko du orain.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.