Gatzagaetxebarria: 'Opor fiskalen isuna makilakada handia litzateke'
Ricardo Gatzagaetxebarria Eusko Jaurlaritzako Ogasun eta Finantza sailburuak esan du 'opor fiskalen' ondorioz etor litekeen 50 milioi euroko isuna "makilakada" handia izango litzatekeela EAEko ekonomiarentzat, "aurretik inoiz ez da horrelako zigorrik izan", gaineratu du.
ETBri eskainitako elkarrizketan, Gatzagaetxebarriak adierazi du Europako Auzitegiak "kontuan eduki beharko lukeela" Euskadik bizi duen "errealitate sozio-ekonomikoa" eta "diru-bilketa enpresa txiki eta ertainei egitea" zer suposatu duen.
"Europako Auzitegiak neurtu beharko luke zer egoera ekonomiko txarrean egin den, una horretan isun hori jartzea bigarren makilakada izango litzateke gure ekonomiarentzat", berretsi du.
Bestalde, Ogasun sailburuak azpimarratu du 2014. urtean euskal ekonomiak hazkunde "motela eta apala" izango duela, % 1etik gertukoa, eta industriaren eta zerbitzuen alorrek gora egingo dutela.
Hala ere, Euskal Autonomia Erkidegoak "krisialdian" jarraituko du aurten, "hondoa jo ondoren". Gatzagaetxebarriak esan du "atzeralditik ateratzea" ez dela "krisialditik ateratzea" eta % 1eko hazkunde horrekin "zaila" izango dela enplegua sortu ahal izatea.
Bestalde, EAEko ekonomia "Espainiako ekonomiarekin" lotura handia daukala nabarmendu du, eta Espainiako kontsumoa jaisteak "kalte" egiten diola Euskadiri. Horrenbestez, Jaurlaritzaren erronka nagusia, eta Espainiarekiko lotura hain handia ez izateko, "merkatu berriak bilatzea, nazioarteratzea eta gero eta lehiakorragoak izatea" dela esan du.
Zure interesekoa izan daiteke
Euriborra % 2,267ra igo da abenduan, baina jaitsi egin da urteko bilakaeran, Espainiako Bankuaren arabera
Martxotik izan duen tasarik altuena lortu du urte amaieran. Hala ere, urteko beherakadari esker, urtero berrikusten diren hipoteka aldakorren kuotak merkatuko dira, nahiz eta aurreko hilabeteetan baino apalago.
Autoen salmenta % 16,4 handitu da Euskadin 2025ean, baina dieselen salmentak % 45 murriztu dira
Abenduan, matrikulazioak % 5,7 murriztu dira Euskadin, 2.728 autoraino. Horien artean, 448 gasolina-auto (-%32,9) eta 65 diesel-auto (-%49,2). Beste erregaienak, berriz, % 5,58 handitu dira, 2.215 unitateraino.
Guggenheim Bilbaok 1,3 milioi bisitari baino gehiagorekin itxi du 2025a
Museoak 3.660 bisitari gehiago izan ditu, 2024ko datuekin alderatuta, eta bertaratutakoen % 90 atzerritik etorritakoak izan dira.
Eusko Jaurlaritzak 928.000 euro bideratuko ditu Euskadiko mahastiak modernizatzeko
Dirulaguntzak 105 hektarea baino gehiago berregituratzen eta birmoldatzen lagunduko du, "mahastizaintza- eta ardogintza-sektorearen lehiakortasuna eta iraunkortasuna hobetzeko".
Alokairuko etxebizitzen prezioa % 3,8 igo da Euskadin 2025ean, eta % 5,6 Nafarroan
Azken urtean, alokairuko etxebizitzen hileko errentek gora egin dute Hego Euskal Herria osoan. Nafarroa igo dira gehien (% 5,6), ondoren Bizkaia (% 4,5), Araba (% 4) eta, azkenik, Gipuzkoa (% 1,9). Batez besteko prezioaren koadroan, zerrendak bueltaerdi ematen du eta eta Gipuzkoa dago prezio-gailurrean (16,4 euro/m2); ondoren, Bizkaia (14,7 euro/m2), Araba (12,1 euro/m2) eta Nafarroa (11,1 euro/m2).
Talgok Uzbekistanen duen kontraturik handiena ziurtatu du, 80 milioikoa
Konpainiak hamar urteko akordioa sinatuko du herrialdeko trenbideen enpresa publikoarekin, sei Talgo 250 trenen mantentze integrala egiteko.
40 urte Espainia eta Portugal EEEn sartu zirenetik
Gaur 40 urte, 1986ko urtarrilaren 1ean, Espainia eta Portugal Europako Ekonomia Erkidegoan sartu ziren, gaur egungo Europar Batasunean. Zer ekarri zuen aldaketa horrek Euskadin? Nola bizi izan zen prozesua?
Bizkaiak 13.000 zergadun berri baino gehiago ditu Batuz sistema ezarri zenetik
Kontrol fiskal integraleko sistemak 69 929 pertsona eta erakunde ditu jada, iruzurraren aurkako borroka indartuz eta zergadunei laguntza erraztuz.
2026an, zer garestituko da, zer merkatu?
Urtea hastearekin batera eguneratu dituzte hainbat produktu eta zerbitzuren prezioak. Zenbait salneurriren kasuan, hala nola elikagaiena edo etxebizitzena, zaila da aurreikuspenak egitea, baina beste batzuen gorabeherak jakinak dira. Honatx azken horien laburbilduma.
Euskal partzuergoak Ayesa Digital erosteko operazioa itxi du, 480 milioi euroren truke
Operazioaren ondorioz, Ibermatica zenaren erabaki zentroa Euskadira itzuliko da. Transakzioa datozen hilabeteetan itxiko dute, agintari eskudunen onespena lortu ondoren.