Galan: 'Energia elektrikoaren sorkuntzak dirua galtzen du Espainian'
Energia elektrikoa sortzeko negozioa Espainian "dirua galtzen" ari dela ziurtatu du gaur Ignacio Sanchez Galan Iberdrolako presidenteak. Gobernuaren energia politika gogor kritikatu du Galanek, Espainian konpainiaren inbertsioa oztopatzen eta zentralak ixtera behartzen duelako.
"Arautzaileek sorkuntzan eta sareetan inbertsiorik behar ez dela diote. Arautzaileak beharrezkoa ez dela badio, guk ez dugu inbertituko", adierazi du Galanek konpainiako emaitzen aurkezpenean.
Galanek azaldu duenez, "araudi egonkorrak eta hazkunde aurreikuspenak" dituzten herrialdeetan "arreta" jarriko dute: Mexiko, inbertsioaren % 23, AEB % 17 eta Erresuma Batua % 23.
"Espainiar baino gehiago, britainiarrak, amerikarrak eta mexikarrak gara", esan du Galanek.
Iberdrolako zentral nuklearrek "dirua galdu zuten iaz", Galanen ahotan. Testuinguru horretan, zentralak ixteko aukera aztertzen ari dira, batez ere gasezko zentralak, hilabeteak daramatzatelako ordubete funtzionatu gabe, "egoera larria" da.
Etekinak behera egin du
Iberdrolak 2.571,8 milioi euroko mozkin garbia izan zuen iaz, 2012an baino % 7 gutxiago, enpresako zuzendaritzak Balore Merkatuaren Batzorde Nazionalari asteazken honetan jakinarazi dionez. Irabazietan izandako jaitsiera neurri arautzaileei egotzi die Iberdrolak.
Ignacio Sanchez Galanek zuzentzen duen enpresak azaldu duenez, neurri arautzaileen eragina 801 milioi eurokoa izan da. Energia berriztagarriei eta liberalizatutako negozioei esker, ordea, neurri horien eragina orekatzea lortu du Iberdrolak.
Iberdrolak 32.807,9 milioi euroko salmentak izan zituen iaz, 2012an baino % 4,1 gutxiago. Ustiapeneko emaitza gordina 7.205 milioi eurokoa izan zen (% 6,8 gutxiago) eta mozkin garbia, berriz, 2.434,7 milioi eurokoa.
3.053 milioi euro bideratu zituen inbertsioetara, eta zorra 2.271 milioi euroan murriztea lortu du Iberdrolak, baina oraindik ere 28.000 milioi eurokoa da.
Kudeaketan egindako hobekuntzak eta martxan jarritako eraginkortasun egitasmoak nabarmendu ditu zuzendaritzak.
Bestalde, plan estrategikoak jasotzen zuen desinbertsio egitasmoarekin amaitu du, eta EDP, Itapebi eta Nugen enpresetan zituen parte-hartzeak saldu egin ditu.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.