Frantziako lantegi guztiak zabalik matentzeko akordioa lortu dute
Cevital Aljeriako konpainiak eta Frantziako beste bi enpresa txikik akordioa sinatu dute gaur Fagorreko filialaren lantegi guztiak zabalik mantentzeko. Horrela, iragan azaroan hartzekodunen konkurtsoa hasi zenean Fagorrek herrialdean zituen 1.800 lanpostutatik 1.400 salbatuko dituzte.
Enpresako iturriek jakitera eman dutenez, akordioekin FagorBrandt enpresako lantegiak zabalik mantenduko dituzte Aizenayn (mikrouhinak) eta La Rochen (garbigailuak eta lehorgailuak).
Bestalde, Orleanseko (labeak) eta Vendomeko (gas sukaldeak eta bitrozeramikak) fabrikak Cevitalek eskuratuko ditu zuzenean.
Akordioek ateak zabaldu dizkiote Nanterreko Merkataritza-auzitegiaren erabakiari; izan ere, epaitegia enpresaren etorkizuna aztertzen ari da eta salmentarako baimena eman dezake astearte honetan.
Erabaki bat hartu baino lehen erosleen konpromiso bat eskatu zuten Nanterreko epaileek iragan ostiralean.
Asteburuan negoziazioek luze jo dute. Sindikatuek akordioa ahalbidetzeko presioa egin dute. Frantziako Ekonomia Ministerioare esku-hartzea erabakigarria izan da hautagaiak mahai baten inguruan eseritzeko eta kontratuak sinatzeko.
390 kaleratze
Nanterreko Auzitegiak operazioak aurrera eramateko baimena ematen baldin badu, FagorBrandten ordainketen etendura 390 kaleratzerekin itxiko lukete.
Hala ere, taldeko beste lanpostu batzuk arriskuan daudela adierazi dute sindikatuek. Lyongo Citel garbigailuen ekoizleak dituen 420 lanpostuak arriskuan daudela ohartarazi dute.
Albiste gehiago ekonomia
Hiru behargin hil dira lanean 24 orduan
LAB sindikatuak salatu duenez, bi langile hil dira basogintza lanetan, Altsasun (Nafarroa) eta Eskoriatzan (Gipuzkoa), eta beste bat istripu ez traumatikoan, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpo Gobernuak Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jartzen duen erabaki beharko du orain.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
Langileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.