Bezero bati 35.000 euro itzuli beharko dizkio Laboral Kutxak
Gasteizko epaitegi batek Laboral Kutxaren kontrako epaia eman du, eta Eroskiren ekarpen subordinatuetan inbertitutako 35.000 euroak itzuli beharko dizkio Laboral Kutxak argiketari bati. Epailearen iritziz, ez da frogatuta geratu entitateak argi azaldu ziola bezeroari produktua betiko zela.
Eroskiren lehentasunezko akzioak erosteko kontratua 2007ko ekainaren 29an sinatu zuten bezeroak eta Laboral Kutxak. Dirua berreskuratzerik ez zuela ikusita, bezeroak salaketa aurkeztu zuen 2011n. Sententziak kontratua bertan behera utzi du, eta bezeroari arrazoia eman dio.
Argiketaria den bezero horrek "ezagupen finantzario edo akademiko berezirik" ez zuela frogatutzat jo du magistratuak. Bezeroak mota horretako produktu "konplexu eta espekulatiborik" ordura arte sekula ez zuela kontratatu azaldu du epaileak. "Inbertitzailearen profila ez zen egokia", laburbildu du.
"Inbertitzaile minorista"
Bestalde, Eroskiren ekarpen subordinatuak mota guztietako inbertitzaileentzako produktuak izatea ukatu du epaileak; izan ere, "ezagupen konkretuak beharrezkoak" dira, eta kasu honetan bezeroak ez zuen horrelako prestaketarik: "Inbertitzaile minorista zen, ez espekulatiboa eta kontserbadorea".
Produktuaren baldintzak azaldu zizkion Laboral Kutxako langile batek bezeroari, eta horregatik kontratua sinatu zuen; izan ere, langile horrengan "konfiantza handia" zuen, beti aholkatu izan zuen eta.
Albiste gehiago ekonomia
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.