Eroskik 22,4 milioi ordainduko ditu bihar, menpekoen interesengatik
Eroski kooperatibak bihar ordainduko ditu menpeko ekarpenen 2013ko interesei dagozkien 22,4 milioi euro. Menpeko Ekarpen Finantzarioen inbertsoreei abonatuko die dirua.
Ordainketa, 2003an hasita urtero bezala, urtarrilaren 31an egingo da. Gainera, duela lau egun, Bilboko 1 zenbakidun Merkataritza Epaitegiak erabaki zuen Eroskik ez zuela Menpeko Ekarpen Finantzarioen inguruan publizitate iruzurgilerik egin, eta BBVA entitatea zigortu zuen ekarpen horien dirua itzultzera.
2002an egin zituen Eroskik lehen jaulkipenak, eta, harrezkero, interesengatik 292,4 milioi euro ordaindu ditu.
Kooperatibaren hitzetan, "lehenengo jaulkipeneko inbertsore batek inbertsioaren % 63 interesetan jasoko zuen, 2004ko inbertitzaileek % 51 eta 2007koek, aldiz, % 31".
Urte horietan guztietan, Menpeko Ekarpen Finantzarioen ordainsaria beti % 3tik gorakoa izan da.
Ekarpenak taldearen zabalkuntza planean aurrera egiteko asmoz sortu ziren. Horrela, 2002 eta 2008 urteen artean, kooperatibaren fakturazioa bikoiztu egin zen.
Pasatu den urtarrilaren 16an, Eroski intentzio akordio batera iritsi zen zenbait finantza entitaterekin. Horren arabera, inbertitzaileei alternatibak eskaini nahi zizkieten, eta behin-betiko zorreko tituluak behin-behineko tituluen ordez aldatzeko aukera eman. Izan ere, kooperatibaren arabera, azken horiek asko egin dute gora.
"Akordioak alternatiba unibertsal bat proposatzen die menpeko ekarpenak dituzten guztiei. Ez die Eroskik ordaindutako interesak itzultzeko eskatzen behin-betiko Menpeko Ekarpen Finantzarioen truke, behin-betiko izaera horregatik ordainsari estra batekin", gogorarazi du kooperatibak.
Aste honetako epaiak ekarpenen erosketa kontratuak bertan behera utzi zituen, eta inbertitzaileei inbertitutako dirua itzultzeko eskatu zion bankuari. Gainera, kontratatu zituztenetik izandako interesak ere itzultzera behartu zituen.
Epai horrekin, "argi gelditu da Eroskik, jaulkitzaile paperean, dokumentazio lan osoa eta egokia burutu zuela, inbertitzailea erosketa prozesuan ongi informatuta egon zedin", azaldu du kooperatibak, eta komertzializazio prozesuan ez zuela sekula parte hartu gehitu du.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.