Epaileak BBVA zigortu eta Eroski absolbitu du ekarpenengatik
Marcos Bermudez Bilboko Merkataritza-arloko 1 zenbakiko epaitegiko epaileak BBVAren kontra egin du, 2004 eta 2007 artean Eroskiko finantza-ekarpen subordinatuak erosi zituzten bezero batzuei dirua bueltatzea ebatzi baitu. Auzi horretan, Eroski zigorrik gabe utzi du epaileak, Fiskaltzaren eskaerekin bat eginez.
BBVAk ez zuela garbi jokatu ebatzi du epaileak, eta, horrenbestez, dirua interes eta guzti bueltatu beharko die ekarpenak erosi ondoren dirua berreskuratu ezin zutela ikusita salaketa jarri zuten 68 bezeroei.
Marcos Bermudez epaileak Fiskaltzak epaiketan eskatutakoaren bidetik jo du, eta Eroski zigorrik gabe utzi du. Epailearen iritziz, Eroski errugabea da, publizitatean eta kontratuen baldintzetan ekarpenen ezaugarriak ondo azaltzen zirelako, Bermudezen iritziz. Horrenbestez, ADICAE Banku, Aurrezki Kutxa eta Aseguruen Erabiltzaileen Elkarteak ez du lortu epaileak Eroskiren publizitatea iruzurtzat jotzea.
Interesak
Epailearen iritziz, BBVAk ez zien bezeroei behar bezalako informazioa eman, eta, horrenbestez, kontratuak baliogabetzea erabaki du. BBVAk ekarpen horien truke emandako dirua eta horri dagokion interes legala itzuli beharko ditu. Kontratuak sinatu aurretik bezeroek zeukaten egoera berreskuratzea da epailearen helburua.
Epaiaren ondorioz, bankuak jasotako dirua eta horren interesak bueltatu beharko ditu, baina bezeroek ordutik kobratu dituzten interesak itzuli beharko dituzte.
Ebazpenaren arabera, bezeroek ekarpen horiek erosteko prozesua BBVAren "erruz" akastu zen.
"Bankuak nahikoa zuen idatzizko kontratua egitearekin eta bertan argi eta garbi produktuaren baldintzak zehaztearekin, baita produktu hori erosteko arriskuak ere", dio epaiak.
"Horrela, bezeroek sinatutakoa bete beharko lukete, eta egindako akatsaren ondorioak ere bere gain hartu beharko lituzkete", zehaztu du epaileak.
Baina, "interes komertzialak" zirela medio, bankuak produktu "konplexu" hura saltzeko beste modu bat aukeratu zuela adierazi du epaileak.
Erreakzioak
Iragan astean egin zuten Eroskiren ekarpenen inguruko epaiketa. Guztira, 30.000 pertsonak erosi zituzten Eroskiren ekarpenak. ADICAEk 68 bezeroren izenean jarritako salaketa kolektibo batek jarri zuen martxan prozesua.
Epaia ezagutu ondoren, Francisco Javier Alvarado ADICAEko bozeramaileak adierazpenak egin ditu kazetarien aurrean. Ebazpena "oso positiboa" dela azpimarratu du, bezeroei dirua berreskuratzeko "itxaropena" eman dielako. Adicaeren ustez, ekarpenak erosi zituztenek dirua berreskuratu ahal izateko "argia" ematen du ebazpenak. Hala ere, aldeek oraindik errekurtsoa jar dezaketela esan du.
Elkarteak beste 800 espediente prest ditu Fagor eta Eroskiko ekarpenen harian aurkezteko.
Bestalde, BBVA helegitea jartzea aztertzen ari da, baina "ebazpenak beti errespetatu eta onartu" egiten dituela nabarmendu du.
Eroskik “pozik” hartu du epaia eta emisioa “zuzena” eta legearen araberakoa izan zela azpimarratu du.
Ohar batean, ekarpenen inguruko publizitateagatik absolbitu egin dutela nabarmendu du Eroskik eta, horren harian, “egindako publizitateagatik Eroski zigortze arrazoirik” ez dagoela gaineratu du.
Rosa Carabel Eroskiko ekonomia arduradunak epaia “oso baikorra” dela adierazi du eta ekarpenen emisioa “zuzena” eta “beti legearen araberako” izan zela berretsi du.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.