La Navalen kontratua ona da, baina ez da nahikoa, langileen arabera
La Navalen langile batzordeak begi onez jo du kontratua, baina ez du uste nahikoa izango denik langile guztien lanpostuak bermatzeko.
Kontratuaren sinaduraren berri izan ostean, enpresa batzordeak onartu du enpresaren egoera hobetu egingo dela, baina lau urtez EREak bata bestearen atzetik izan dituztela gogorarazi du.
Lan karga ezaren ondorioz, langileek protestak gogortu zituzten; izan ere, urte hasieran 2010etik ezartzen duten zortzigarren enplegu erregulazio espedientea sartu zuten enpresa osatzen duten 235 langileentzat.
Tapiak uste du kontratu berriak negoziatzen lagunduko duela
Arantza Tapia Garapen Ekonomikorako eta Lehiarako sailburua gustura agertu da La Navalek lortutako akordioarekin, lan eta enplegu karga "bermatzen" duelako, eta "lasaitasuna eta konfiantza" ematen duelako ontzi berrietarako kontratuak lortzeko.
Sailburuak adierazi duenez, kontratu horrekin agerian geratu da "lana hartu dezakeela, eta kontratu berriak bilatzeko berme eta lasaitasuna ematen dio, gaur arte ez baitzegoen halakorik, zeren lanik ez duen ontziola bat edukitzeak kezka handia sortzen du langileen artean, baina baita zuzendaritza taldean eta akziodunen artean ere", gaineratu du.
Tapiak azpimarratu du lana "oso zorrotz" egin dutelako lortu dela kontratua. "Kontratua tax lease gabe izango da, sektoreko lehia irabazita lortu da; beraz, zuzendaritzaren lanaren emaitza da, eta badakit langileek ahal duten guztia egingo dutela kontratua baldintza onenetan egiteko", azaldu du sailburuak.
Bi urterako lana
Sestaoko La Navalek kontratua sinatu du TESO enpresa herbeheretarrarentzat ferry bat egiteko, eta, horrela, bi urterako lana lortu du, ontziola bizkaitarrak gaur prentsa-agiri batean jakitera eman duenez.
Eskari berriak Euskal Herriko ontziola garrantzitsuenaren egoera hobetuko du, aurreko martxoan azken lana entregatu zuenetik geldirik baitzegoen.
"Texelstroom" izango du izena ontziak, eta 1.750 pertsona eta 350 ibilgailu garraiatzeko gai izango omen da. Izan ere, 135 metro luze eta 28 metro zabal izango da, eta hainbat berrikuntza teknologikoz baliatuko da energiaren kontsumoa hobetzeko eta ingurugiroari kalte txikiagoa egiteko: 700 metro koadro eguzki panel izango ditu, portuetan sartu-irtenak egiterakoan energia elektrikoa erabili eta portu inguruan gas kantitate txikiagoa pilatzeko.
"Texelstroom" ontziak Herbeheretako iparraldean dagoen Den Helder portuaren eta Texel irlaren arteko bidaiak egingo ditu.
"Azken hilabeteetako Europako beste ontziola batzuekin lehia gogorrean aritu ostean" lortu omen du La Navalek kontratua, konpainiaren arabera.
Kontratu horri esker, ontziolak 600.000 ordutako lan karga izango du; hau da, bi urte gutxi gorabehera.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.