Bilbo galdaketaren hiriburua izango da igandetik aurrera
Bilbo alor metalurgikoaren hiriburua izango da igandetik aurrera, Euskalduna Jauregian egingo duten Munduko 71. Galdaketa Kongresuari esker. Guztira, mila bat lagun joango dira Euskalduna Jauregira.
Tabira Galdaketa Institutuak, World Foundry Organization elkarteak eta IK4-Azterlanek antolatu dute Bilbon igandean hasiko den kongresua.
Ohar batean antolatzaileek adierazi dutenez, galdaketa industriak zibilizazioen garapen ekonomiko eta sozialean “paper erabakigarria izan du denboran zehar”. “Industriak eta gizarteak planteaturiko eskakizun berriei erantzuna emateko premiak aditu eta profesionalak metalurgia eremuan ikerkuntzan jarraitzera bultzatzen ditu”.
Munduko 71. Galdaketa Kongresuak mota askotako jarduerak izango ditu (jardunaldi teknikoak, nazioarteko azoka, industrietara bisitak…), eta jakintza teknikoko hartu-emanak bultzatu eta munduko profesionalekin harremanak egiteko aukera eskainiko du, antolatzaileen hitzetan.
Mundu mailan erreferenteak diren enpresek parte hartuko dute bertan: ASK Chemicals, Loramendi, Aurrenak, Foseco, Insertec Labeak eta Erregogorrak, Inductotherm, Hüttenes-Albertus, Hermann Otto Suderow, Otto Junker, Gustav Eirich, IK4-Azterlan, Euskatfund, Omega, ESI Group, Exone GmbH, Spectro, Materialise, Labecast, Vitex, Deguisa, Saint Gobain, Thermo Fisher, Ditemsa, Eccomelt, Faro Spain, Simulaciones y Proyectos eta Munduko Galdaketa Elkartea.
Ponentzien gaiak honako hauek izango dira: iraunkortasuna eta ingurumena; burdinaren galdaketa; burdinazkoak ez diren materialak eta aleazio arinak; altzairu moldatua; galdaketa-teknologia aurreratuak; ekipamendua, prozesuak kontrolatzeko tresnak, robotika eta automatizazioa; ingeniaritza aurreratua: diseinu-, kalkulu- eta simulazio-tresnak; moldeen eta arren fabrikazioa eta prototipo-teknologia; energia; tratamendu termikoak, azalerakoak eta kriogenikoak; ereduen eta tresneriaren diseinua eta fabrikazioa; eta management-a, hezkuntza eta prestakuntza.
Bestalde, erakusketa egiteko erabiliko dituzten 810 metro karratuen % 70 hartuta daude jada.
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.