'Garoña berriro irekitzeko legedia aldatzea' leporatu dio EAJk PPri
Ramiro Gonzalez Arabako Batzar Nagusietako EAJko bozeramaileak "Garoña berriro irekitzea ahalbidetzeko legedia aldatzea" leporatu dio PPri astelehen honetan, zentral "zaharkitua" den arren.
Gonzalezek adierazpen horiek egin ditu, Endesak eta Iberdrolak Burgosko zentralerako baimena eskatuko dutela jakin ostean. Zentral nuklearra 2012ko abendutik geldi dago.
Batzarkide nazionalistaren ustez, Garoña itxita egon den denboran "negoziazio isil bat mantendu da" konpainia elektrikoen eta Espainiako Gobernuaren (PP) artean, zerga mota bat kentzeko.
Ohar batean, Javier de Andres Arabako ahaldun nagusiari "behingoz Arabako interesak babestea eta Garoña berriro irekitzearen aurka azaltzea" eskatu dio. "Rajoyren eta PPren interesen aurrean ez makurtzea, Forondaren kasuan egin bezala", gaineratu du.
Endesarekin eta Iberdrolarekin haustea eskatu dio EH Bilduk Jaurlaritzari, Garoña berriro irekiz gero
Bestalde, Dani Maeztu EH Bilduko legebiltzarkideak Eusko Jaurlaritzari "Endesarekin eta Iberdrolarekin duen harremana haustea" eskatu dio, Garoñako zentral nuklearra "berriro irekiz gero".
Maeztuk salatu du bi konpainiek "mespetxuz" erantzun dietela euskal herritarrei, bereziki arabarrei, eta, bertako erakundeei, zentrala ireki nahi dutelako
EH Bilduko legebiltzarkideak Garoña berriro irekitzeak dakarren "arrisku larriaren" berri eman du, eta arrazoirik gabeko neurria dela adierazi du, "eskaintza energetikoa eskaera baino askoz ere handiagoa delako".
Gobernua eta elektrikak "eskutik helduta" doazela salatu du PSOEk
Julio Villarrubia Gaztela eta Leongo PSOEko idazkari nagusiak azaldu duenez, Espainiako Gobernua, elektrikak eta Nuclenor enpresa "eskutik helduta" doaz Garoñako zentral nuklearra irekitzeko, Endesak baimena eskatuko duen erabakia jakin ostean.
Villarrubiak Espainiako Gobernuari Reindus Plana betetzea eskatu dio, eta konprometitutako 100 milioi euroak Garoñako zentral nuklearrean inbertitzea.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.