Aurkeztutako sei eskaintzak 'eskasak' dira, Fagorren ustez
Fagor Etxetresnaken hartzekodunen konkurtsoko administratzailearen arabera, aurkeztutako sei eskaintzak "etsitzeko modukoak" dira, eskainitako diru-kopuruak "eskasak" baitira. Guztien artean, Cata kataluniarrarena da gustukoena.
Eskaintzen inguruko txostena ostegun gauean bidali dute Donostiako Merkataritza Arloko 1. Epaitegira, eta orain abian da eskaintza horiek hobetzeko epea.
Guztira, sei dira aurkeztutako eskaintzak: Cevital talde aljeriarrarena, Cata enpresa kataluniarrarena, Ecomac txiletarrarena, Amica poloniarrarena, Ariston italiarrarena eta Taurus espainiarrarena.
Txostenean agertzen denez, Catarena da eskaintza onena. Kataluniarrek hasieran egindako eskaintza hobetu egin zuten, eta enpresako aktibo guztiak hartzen ditu, Confort barne. 20 milioi euroko eskaintza da, eta 620 lanpostu zuzen eta 897 ez-zuzen bermatzen ditu.
Cevitalek, aldiz, 18 milioi euroko eskaintza egin du, eta 1.300 lanpostu ziurtatzen ditu Euskadin.
Ecomac txiletarrak Bizkaiko Foru Aldundiaren babesa du, eta 7 milioi euro eskaini ditu Edesak Basaurin duen lantegia bereganatzeko. 113 lanpostu zuzen eta 60 ez-zuzen eskaintzen ditu.
Amica italiarrak, berriz, Edesaren lerro zuria bakarrik nahi du, eta hamar bat lanpostu eskaintzen ditu komertzialentzat. Taurusek eta Aristonek ez dute lanposturik eskaintzen.
"Gehiegizko deskontuak"
Txostenean agertzen denez, administratzailea eskaintzak egin dituzten enpresekin elkarrizketatzearen alde agertzen da, eskaintza horiek hobetzeko. Horren ustez, "eskasak" dira, Fagor Etxetresnaken aktiboen balioa ikusita. Eskainitako diru-kopuruei dagokienez, "gehiegizko deskontuak" ikusten ditu.
Bestalde, Pedro Malagon hartzekodunen konkurtsoaren ardura duen epaileak enpresei eskaintzak hobetzeko uztailaren 9ra arteko epea dutela jakinarazteko agindua eman du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.