Edesa eta Fagor erosteko proposamenak hobetzeko epea bukatu da
Gaur, astelehena, bukatu da Fagor Etxetresnak eta Edesa eskuratu nahi dituzten enpresek proposamenak hobetzeko epea. Orain arte interesa agertu duten lau enpresetako bik, Cevitalek eta Catak, hasierako proposamenak hobetuko dituztela iragarri dute. Dena dela, Arantza Tapia Ekonomiaren Garapen eta Lehiakortasun sailburuak ziurtatu duenez, Fagor Etxetresnak eta Edesa eskuratzeko eskaintzak egin dituzten lau enpresek proposamenak "hobetuko dituzte" astelehenean.
Cata Kataluniako enpresak 19,8 milioitik 21,3 milioira igo du hasierako eskaintza, eta Cevital Aljeriako enpresak Donostiako Merkataritza arloko 1 zenbakiko Epaitegian (euskal kooperatibaren konkurtsoa esku artean duena) aurkeztu ditu dagoeneko proposamen berriaren xehetasunak.
Efek egindako elkarrizketa batean, Tapiak gogora ekarri du aipatutako proposamenak aurreko epean egin zituztela (asteazkenean bukatu zen), baina nahi izanez gero, bigarren aukera bat izango dute eskaintza hobeak egiteko.
"Enpresak elkarri begira ari dira. Oraindik ere hobetuko dituzte eskaintzak. Hobekuntza bat egin dute dagoeneko, baina benetakoa astelehenean izango da", esan du.
Sailburuaren esanetan, Jaurlaritzaren ikuspuntutik, garrantzitsuena "ahalik eta enplegu gehien eta industria jarduera handiena mantentzea da", eta "proiektua arrakastatsua izatea eta jarraikortasuna izatea bermatzea".
Euskal kooperatibaren enpresak bere gain hartzen dituenak Debagoiena suspertzea eta, batez ere, etxetresnen sektorea bultzatzea nahi du Iñigo Urkulluren Kabineteak.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.