Arcelorrek 'malgutasuna' proposatu du lanaldietan, itxiera ekiditeko
Arcelor Mittaleko zuzendaritzak Zumarragako (Gipuzkoa) lantegiko enpresa-batzordeari lanaldietan “malgutasun” neurriak adostea proposatu dio, aldi baterako itxiera ekiditeko, Enrique Baratta CCOO sindikatuko kideak jakitera eman duenez.
Multinazionaleko ordezkariek eta Zumarragako fabrikako langileek bilera bat izan dute arratsaldean, eta, bertan, ez dute proposamenik idatziz aurkeztu, esan du Barattak, Gipuzkoan CCOO sindikatuko Industria Federazioko arduradunak. Bileran batzordeko aholkulari moduan parte hartu du.
Zuzendaritzaren ustez, Zumarragako altzairutegiaren etorkizuna hiru zutabetan oinarrituta dago: malgutasuna lanaldietan, lan karga handiagoan eta produktuaren kalitate hobea bezeroen arretarako.
Azkeneko biak langileei ez dagozkien zereginak direla azaldu du, eta, lehenari buruz, “elkarrizketarako prest” agertu da.
"Itxaropentsu samar irten gara"
“Aldi baterako itxierari dagokionez, itxaropentsu samar irten gara”, nabarmendu du sindikatuko buruak.
Bilera horretan jorratutako gaien berri eman behar dietela langileei adierazi du. ELA, UGT eta LAB sindikatuetako arduradunak ere izan dira bertan. CCOOk ditu ordezkari gehien.
Barattaren hitzetan, Arcelor Mittaleko langileek dagoeneko “esfortzu handia” egin dute, duela urtebete baino gehiago soldatak % 12 jaistea eta lanaldiak igotzea onartuta.
Enpresak eta sindikatuek ez dute data zehatzik jarri datorren bilerarako. Langileen iritziaren berri izan ostean egingo da hori.
Zure interesekoa izan daiteke
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.
Jaurlaritza berdelaren kuota murrizteak eragingo dituen galerak arintzeko neurriak bilatzen ari da
Bilerak deituko ditu kuota berrien eragin ekonomikoa aztertzeko eta galerak arintzen lagunduko duten neurriak aztertzeko. Gainera, beste espezie batzuentzat ere murrizketak aurreikusi ditu Europar Batasunak.
EBk % 73 murriztu du berdelaren kuota 2026ko lehen sei hilabeteetarako
Antxoari dagokionez, albiste onak euskal arrantzaleentzat, gehieneko muga baimendu baita (29.700 tonako harrapaketak). Onartutako kuotak ekainera arte egongo dira indarrean, negoziazio berrien zain.
EBk 3 euroko tasa ezarriko die uztailetik aurrera Shein eta Temu plataformetan egindako erosketei
2028rako aurreikusitako behin betiko muga-zergen erreforma indarrean sartu arte egongo da indarrean. Erreforma horren bidez, EBk amaiera eman nahi dio 150 eurotik beherako balioa duten produktuak muga-zergak ordaintzetik salbuetsita egoteari.
Aurreko egunetako antzerako jarraipena izan du medikuen grebak ostiralean EAEn
Osakidetzak emandako datuen arabera, goizeko txandan % 19,63k egin du lanuztea eta arratsaldekoan, berriz, %9,22k.
Talgoko Batzarrak kapitala handitzea eta Sidenor eta SEPIren sarrera onartu ditu, Eusko Jaurlaritza barne
Konpainiak "laster" formalizatuko du Sidenor buru duen euskal partzuergoak konpainiaren % 29,76 eskuratzea. SEPIk 45 milioi euro jarriko ditu kapitalaren % 7,8 kontrolatzeko, 4,25 euro akzioko, kapital-gehikuntzara joz.
Pozik hartu dute Arabako erresidentzietako langileek gatazkaren konponbidea, 6 urteko borrokaren ondoren
Soldata % 32,5 igoko zaie eta hilean 1.500 euro gordin irabaztera iritsiko dira. Elkarrekin-Podemosek aurrekontuak onartzeko baldintza gisa gai hau jarri izana eskertu dute.
Bisigua, zapoa, itsaskiak... Zenbateko astindua izango da Eguberrietako menua gure poltsikorako?
Gabonak ate-joka ditugu eta MercabIlbao elikagaien banaketarako funtsezko nodoa da. Txikizkariak bertara joaten dira produktuak erostera, ondoren haien dendetan saltzeko. Gaur, goizean zehar, etengabe ikusi ditugu alde baterik bestera produktuak begiratzen eta erosten. Zer igo da gehien egun hauetan? Zer saltzen da gehien?
EAJk eta PSE-EEk oposizioaren babesik gabe onartuko dituzte Bizkaiko 2026ko Aurrekontuak
Bizkaiko Batzar Nagusiek atzera bota dituzte oposizioak aurkeztutako hiru osoko zuzenketak. Gauzak horrela, 2026ko aurrekontu proiektuak beste aurrerapauso bat eman du, behin betiko onespena eman aurretik.