Langabezia % 1 igo da EAEn, eta jaitsi egin da Nafarroan, abuztuan

Espainiako Estatuan ere gora egin du, sei hilabetez behera egin ondoren, eta guztira 4.427.930 langabe daude, duela urtebete baino 270.853 gutxiago.

Erredakzioa

2014/09/02 - 02:00

Azken eguneratzea

2014/09/02 - 11:14

Langabeziak gora egin du berriro EAEn. Abuztuaren amaieran 169.188 langabe zeuden Araban, Bizkaian eta Gipuzkoan; hau da, uztailean baino 1.795 gehiago (% 1,07), Espainiako Enplegu eta Gizarte Segurantzako Ministerioak jakitera eman duenez. 2013ko abuztuko datuekin alderatuta, 3.919 langabe gutxiago daude; % 2,26 gutxiago, hain zuzen ere.

Nafarroari dagokionez, berriz, behera egin du langabeziak, uztailean baino 545 langabe gutxiago zenbatu baitituzte abuztuan, % 1,17 gutxiago.

Urte arteko datuak alderatuta, Foru Erkidegoan iaz baino 4.523 langabe gutxiago (% 8,92) daude. 46.202 langabe zenbatu dituzte guztira.

Espainiako Estatua

Uztailean baino 8.070 langabe gehiago zeuden abuztuaren amaieran Espainiako Estatuan; beraz, langabeziak gora egin du, sei hilabetez behera egin ostean. Guztira 4.427.930 langabe zenbatu dituzte.

Enplegu eta Gizarte Segurantzako Ministerioaren arabera, duela hamabi hilabete baino 270.853 langabe gutxiago daude.

Zure interesekoa izan daiteke

D'Anjouk nabarmendu du Euskadik fiskalitateari buruzko interesak defendatu izana Ecofinen

Izokin arrantzua, debekatzear

SATSE, ELA, LAB, CCOO eta UGTk elkarretaratzeak egin dituzte ospitaleetan, mobilizazio eta greba dinamikaren atarian

Industria sailburuak onartu du Vicinayk eskari "oso garrantzitsua" galdu duela

Maria Ubarretxena Eusko Jaurlaritzaren bozeramailea

Euskadik lehen aldiz parte hartuko du Ecofinen fiskalitateari buruzko goi mailako taldean

Ia 8.000 lagunek jasotzen dute hilero alokairua ordaintzeko Gaztelagun dirulaguntza

i+Medek eta Mondragon Korporazioak protesien estaldurak garatzeko enpresa bat sortu dute

Gasteizko Udalak 6,5 euroko tasa turistikoa ezarriko du bost izarreko hoteletarako eta etxebizitza turistikoetarako