Mexikon dauden euskal enpresen ekarpena goraipatu du lehendakariak
Iñigo Urkullu lehendakariak Mexikon egoitza duten euskal enpresek EAEko ekonomiari egiten dioten ekarpena goraipatu du, eta Mexiko nazioartekotzeko estrategiaren "giltza" dela azpimarratu du.
Urkulluk Queretaron abiatu du Mexikon egiten ari den bidaia ofiziala, eta Queretaro, Guanajuato eta San Luis de Potosi estatuetan dauden 30 euskal enpresaren ordezkariekin bildu da, euskal ekoizle gehien hartzen dituen eremuko esperientzia bertatik bertara ezagutzeko asmoz.
Urkulluz gain, Arantza Tapia Garapen Ekonomikorako eta Lehiakortasunerako sailburua ere bidaian parte hartzen ari da.
Enpresarien aurrean emandako hitzaldian, Urkulluk gogorarazi du indartzen ari dela euskal enpresen presentzia Mexikon, eta bidaiaren helburua presentzia horrek hazten jarraitzea dela.
"Entzun egin nahi dugu, gure ekimenak modu eraginkorragoan bideratzeko, gure estrategiarentzat giltzarri den herrialde batean", azaldu du lehendakariak.
Bestalde, lehendakariak iragarri du hornitzaile sare bat jarriko dutela martxan atzerrian dauden enpresei lana errazteko, aeronautika, automobilgintza eta energia sektoreetan bereziki. Sare horrek EAEko enpresa txiki eta ertainen nazioartekotzean lagunduko duela gaineratu du.
Bileran parte hartu duten enpresei zuzendu zaie lehendakaria, eta "nazioartera zabaldu nahi duen herrialde baten eredu" direla azpimarratu du, "Basque Country-ren diplomazia ekonomikoa" direla, alegia.
Enpresa hauek izan dira gaurko bileran: Aernnova, Celay, Eika, Irizar, ITR, Erreka, Gruas GH, Sisteplant, Cie Automotive Celaya, Gat, Inaumex, Tecnipesa, Ekin, Grupo Herrero Internacional, Gaindu, Grupo Urbegi, Nitrogas Precisión, Sagola, Oñati Willy y Cia, Onnera Group, Teknia Automotive, Imesaza, Panelfisa, RPK, Copreci, Mondragón Servicios Educativos, Grupo Arian-NQ, United Barco de Systems eta Batz Mexicana.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.