Aldeen arteko bilerarik gabe, gaiztotuta dago Bizkaibuseko gatazka
Bizkaibuseko gatazka gaiztotu egin da azken orduetan; izan ere, astelehenetik ez da sindikatuen eta Bizkaiko Foru Aldundiaren arteko bilerarik izan eta, beraz, ez da jarrerak hurbiltzeko aukerarik egon.
Bizkaiko Foru Aldundiak eguerdirako deitutako bilerara ez dira joan sindikatuak, greba "aldi baterako" bertan behera uztea eskatzen baitzuen foru erakundeak.
"Ez gara joango", iragarri du goizean Iñaki San Andres ELAko ordezkariak. Azaldu duenez, "baldintza bako bilera batera" bakarrik joango dira sindikatuak.
San Andresek salatu dutenez, "harrigarria" da Aldundiak atzoko eta gaurko bilerak egiteko baldintzak jartzea, baina ostiralerako deituta dagoen batzarra egiteko arazorik ez izatea.
Sindikatuen jarrera deitoratu du, hain justu, Itziar Garamendi Foru Aldundiko Garraio diputatuak Radio Euskadiri egindako adierazpenetan. Esan duenez, sindikatuak ez daude "egun bakar batean ere" greba bertan behera uzteko prest, Aldundiak "hitz egiteko eskatutako keinua" baitzen. Greba "aldi baterako behintzat" bertan behera uzteko eginahalak egingo dituela berretsi du diputatuak.
Atzo bertan, arratsaldean egin beharreko batzarra egin gabe geratu zen, sindikatuak hartzeko prest ez zegoela esan baitzuen Foru Aldundiak. Izan ere, bilera egiteko baldintza jarri zien: greba bertan behera uztea. Sindikatuek ez zuten amore eman nahi izan, eta bilerara agertu ziren, baina Aldundiak ez zituen hartu nahi izan.
Linea berrien ezartze data, desadostasun iturri
Aurrez hainbatetan esandakoa berretsi du Garamendik gatazkaren kontura: "Inork ez du bere lanpostua galduko eta ez dira inoren lan-baldintzak okertuko". Are, iaz bi aldeek izenpetutako akordioa "betetzen" ari direla azpimarratu du.
Desadostasunaren iturria Bizkaibuseko linea berriak ezartzeko datan dago, Garamendik azaldu duenez. "Administrazio alorretik eta aurrekontuen aldetik, bete ezin den data proposatu dute sindikatuek, 2015eko otsaila; lineak kontzesioa amaitu baino lehen ezartzeko prest agertu da Aldundia", argitu du.
Grebak milioi bat euroko inpaktu ekonomikoa eta 20.000 orduko zerbitzu galera eragin du, Bizkaiko Foru Aldundiak jakinarazi duenez.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.