Aldundia: 'Inork ez du lanpostua galduko Bizkaibusen'
Itziar Garamendi Bizkaiko Herri Lan eta Garraioen foru diputatuak azpimarratu duenez, "Bizkaibuseko lantalde guztia subrogatu dute eta, horrenbestez, unea heltzen denean, enpresa honetan erretiroa hartu nahi duen orok egin ahalko du. Inork ez du lanpostua galduko", erantsi du. Foru Aldundiko arduradunek eta Bizkaibuseko sindikatuek bilera hasi dute 12:00etan, astelehenerako iragarrita dagoen greba mugagabea saihestu eta gatazka konpontzeko asmoz.
Bileraren atarian, negoziazioen berri emateko, Bizkaiko Batzar Nagusietako Garraio batzordean mintzatu da goizean Garamendi, berak hala eskatuta.
Foru diputatuak nabarmendu duenez, Foru Aldundiaren "gogoa argia da: greba bidegabe hau bukatzea", eta, helburu horrekin, sindikatuekin "nekatu arte" hitz egingo dutela azpimarratu du.
Astearteko batzarrean Bizkaiko Foru Aldundiak egindako proposamena zertan zen azaldu du Garamendik. "2013ko urriaren 4an zeuden lanpostuen kopurua mantentzeko, autobus-linea eta zerbitzuak ezartzeko prest agertu ginen, baina, zoritxarrez, langileek ez zuten proposamena onartu".
Bederatzigarren greba-eguna
Aldundiarekin egin beharreko bileraren atarian, manifestazioa egin dute Bizkaibuseko langileek Bilboko kaleetatik. Fernando Rincon LSB-USO sindikatuko bozeramaileak adierazi duenez, "badakigu lantalde osoa subrogatuko dutela, baina langile askok ez dute beharrik izango".
Hala, Aldundiak "kolokan dauden 300 lanpostuak" finko egiteko eskariari men egitea espero dute sindikatuek, Rinconen hitzetan.
2013ko urriaren 4an Aldundiak, garraio-enpresek eta sindikatuek izenpetu zuten akordioa errespetatzea galdegingo dute beste behin Bizkaibuseko beharginek. Dokumentu hartan orain galtzeko zorian dauden lanpostu horiek blindatu ziren.
LSB-USO sindikatuko bozeramailearen ustez, "greba eredugarria izan da, eta, eragozpen bakanen bat kenduta, gutxieneko zerbitzuak ehuneko ehunean bete dira".
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).