EBZk 60.000 milioi euroko zorra erosiko du hilero, martxotik aurrera
Europako Banku Zentralak (EBZ) zor publikoa eta pribatua erosteko programa bat iragarri du eta, plan horren arabera, 60.000 milioi euro zor erosiko ditu hilero, urte honetako martxoan hasi eta 2016ko irailera bitartean.
Draghik baieztatu du zorra erosteko programa abian jartzeko erabakia ez dutela aho batez hartu, baina gehiengoa alde azaldu dela.
Mario Draghi Europako Banku Zentraleko (EBZ) presidenteak hartutako neurriak justifikatu ditu eta inflazio-tasa baxuari aurre egiteko modu gisa aurkeztu ditu. Izan ere, EBZren helburua inflazio-tasa % 2aren azpitik, baina % 2tik gertu kokatzea da.
Nolanahi ere, operazioa mantendu egingo da "inflazioaren joeran doikuntza jasangarri bat dagoela ikusten dugun artean, gure helburura hurbiltzen dena".
Zor publikoaren eta zor pribatuaren erosketa konbinatua egiteko, herrialde bakoitzak entitatean duen kapital kuota kontuan hartuko da. Europako Banku Zentralak bigarren merkatuko inbertsio mailako bonuak soilik erosiko ditu eta, beraz, oraingoz, Greziako zorra erosketa horietatik kanpo geldituko da.
Halaber, Mario Draghik garbi utzi du, moneta politikarekin batera, herrialdeek egiturazko erreformak egin behar dituztela, eta hainbat herrialderi eskatu die lan merkatuaren erreforma egiteko eta jarduera zein enpresen inbertsioak errazteko.
Draghik ohartarazi du urte arteko inflazio-tasa "oso baxua edo negatiboa" izango dela datozen hilabeteetan ere eta pixkanaka-pixkanaka egingo duela gora 2015 eta 2016 artean.
Bestalde, Europako Banku Zentralak interes tasak % 0,05ean mantentzea erabaki du, aurreikusi bezala, egoera ekonomikoa suspertzeko eta atzeraldia saihesteko helburuarekin.
Europako Banku Zentraleko azken bileran (abenduan), Mario Draghik aurreratu zuen EBZko langileak moneta suspertzeko aspektu teknikoen gainean lanean ari zirela.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.