Euroguneko inflazioak moteldu egin du jaitsiera
Euroguneko inflazioa jaitsi egin zen otsailean, aurreko urteko datuekin alderatuta, baina urtarrilean baino gutxiago. Izan ere, % 0,3 egin zuen behera otsailean, eta % 0,6 aurreko hilabetean, Eurostat Europako Estatistika Institutuak jakinarazi duenez.
Energiaren prezioa % 7,9 jaitsi zen otsailean, eta % 9,3 urtarrilean; baina elikagai freskoak % 0,5 garestitu ziren otsailean, eta % 0,8 merkatu ziren urtarrilean.
Gainera, elikagaien, edarien eta tabakoaren prezioak puntu erdi igo ziren, eta % 0,1 jaitsi ziren urtarrilean.
Energien eta elikagai freskoen prezioak kontuan izan gabe, inflazioa % 0,6koa izan zen otsailean, aurreko hilabetean bezala.
Bestalde, Espainiako KPI harmonizatua - % 1,2koa izan zen otsailean.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea