100 erakundetik gora, Diru-sarrerak Bermatzeko Errentaren alde
Ehundik gora erakundek bat egin dute Diru-sarrerak Bermatzeko Errentaren aldeko kanpaina batean, "gaur egun inoiz baino beharrezkoagoa" dela iritzita, 118.000 pertsonak gutxieneko errenta bat edukitzea ahalbidetzen baitu.
"Euskal gizarte gisa, harro egon beharko genuke neurri hau hartu izanarekin", 65.000 familiari duintasunez bizitzeko aukera ematen dielako, Koldo Campo kanpainaren bozeramailearen esanetan.
"Ez da laguntza bat, ezta limosna bat ere. Legez araututako eskubidea da", aldarrikatu du Alfonso Duboisek, Hegoa institutukoak; neurri horri esker EAEn pobrezia mailaren batez bestekoa Espainiako Estatukotik eta Europar Batasunekotik beherago egotea ahalbidetzen duela azpimarratu aurretik.
Diru-sarrerak Bermatzeko Errentari esker, 26.000 lanposturi eusten zaiola eta Barne Produktu Gordina % 2 hazten dela ere aipatu dute, eta gogorarazi dute laguntza horretan dagoen iruzurra % 0,3koa dela, iruzur fiskala % 25ekoa den bitartean.
Pobrezia eta bazterkeria arriskua hazi egin da azken urteotan EAEn, 2008an % 17,9koa baitzen, eta % 22,7koa 2014an, eta "euskal gizarteak badaki pobrezia eta bazterkeria gizarte osoaren ardura direla", Duboisen arabera.
Kanpainarekin bat egin duten 104 erakundeen artean daude Caritas, Munduko Medikuak, SOS Arrazakeria, UNESCO zentroa, eta EAJ, PSE-EE eta EH Bildu alderdiak, besteak beste.
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".