CCOO eta UGT: 'Familiak eta langileak erreskatatzeko ordua iritsi da'
Euskadiko CCOO eta UGT sindikatuek “herstura politikekin” amaitzeko exijitu eta “familiak, langileak eta herritarrak” erreskatatzeko ordua iritsi dela aldarrikatu dute, Maiatzaren Leheneko manifestazioetan.
'Horrela ez gara krisitik aterako. Pertsonak lehenik' lelopean, elkarrekin joan dira CCOO eta UGT EAEn egin dituzten manifestazioetan. Horrez gain, PSE-EEko agintariak ere sindikatu horiekin bat egin dute Maiatzaren Leheneko protestetan.
Unai Sordo eta Raul Arza CCOO eta UGT sindikatuetako idazkari nagusiak, hurrenez hurren, Bilboko manifestazioan izan dira. Bertan ere Patxi Lopez lehendakari ohia eta Idoia Mendia PSE-EEko idazkari nagusia izan dira.
"Austeritate politiken" aurka agertu dira CCOO eta UGTko ordezkariak, “krisia luzatu” dutela argudiatuz. “Krisia luzatzeaz gain, herritar askoren egoera okerrera eraman dute politika horiek, prekarietatea areagotuz eta soldata txikiagoak bultzatuz”.
Unai Sordoren (CCOO) iritziz, egoera honetan, "berebizikoa da" sindikatuen lana, gizarte “justuago eta kohesionatuagoa” lortzeko bidean. Xede nagusia soldatak berreskuratzea eta zerbitzu publikoak indartzea izan behar duela gaineratu du.
Raul Arzak (UGT), bestalde, “herritarrak, langileak eta familiak” erreskatatzeko ordua iritsi dela goraipatu du. “Herritarrek ez dute ulertzen zergatik bideratu diren hainbat milioi euro bankuak erreskatatzera; langileak noiz erreskatatu behar dituzten galdetzen dute”, nabarmendu du. Soldatak igotzea eta gizarte laguntzak handitzea eskatu du Arzak.
Horrez gain, Eusko Jaurlaritzari eskaera bat egin dio Raul Arzak: “sindikatuei gehiagotan aurre ez egitea, eta eurekin alor publikoko baldintzak negoziatzea”, alegia.
Bilbokoaz gain, Euskal Autonomia Erkidegoko gainerako hiriburuetan ere manifestazioak egin dituzte CCOOk eta UGTk. Donostian Iñaki Arriola Gipuzkoako PSE-EEko idazkari nagusia izan da.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.