Erkideko kooperatibak % 7 haziko dira 2015ean, aurreikuspenen arabera
Erkide Euskadiko Lan Elkarteen, Irakaskuntza eta Kreditu Kooperatiben Federazioa osatzen duten kooperatiben fakturazioa % 7 haziko da aurten, federazioak egindako aurreikuspenen arabera; iaz, ostera, salmentak % 1,2 jaitsi ziren.
Mondragon Taldea Erkideko partaide da eta, hain zuzen ere, federazioan izena emanda dauden 928 kooperatibetatik 846 Mondragon Taldekoak dira.
Javier Goienetxea Erkideko presidente eta Agustin Mendiola zuzendariak prentsaurrekoa eskaini dute gaur 2014ko balantzea eta 2015eko aurreikuspenak aurkezteko.
Goienetxeak azaldu du Erkideko kooperatibek% 11ko hazkundea izan dutela maiatza bitartean eta, beraz, litekeena dela urte amaieran "espektatibak gainditzea".
Aurreikuspenak betetzen badira, 1.000 lanpostu berri sortuko ditu aurten Erkide federazioak -iaz 954 lanpostu galdu ziren-, eta Goienetxeak adierazi du urte hasieran 342 enplegu sortu direla.
Bestalde, 2015ean 50 kooperatiba berri federazioan sortzea aurreikusten du Erkidek (iaz 42 sortu ziren). Maiatza bitartean 46 kooperatiba berri sustatu dituzte, batez ere, industria alorrekoak.
2014ko emaitzak
2014ko emaitza ekonomikoei dagokionez, Goienetxeak adierazi du Erkideko kooperatibek 6.500 milioi euro fakturatu zituztela iaz, 2013an baino % 1,2 gutxiago.
Guztira 41 kooperatiba berri sortu ziren iaz (846) eta 963 lanpostu galdu ziren. Guztira, 30.926 langilek lan egiten dute Erkideko kooperatibetan.
Gaur egun, euskal kooperatiben % 80 Erkide federazioko kide dira, eta enpleguari eta fakturazioari dagokionez, berriz, % 98a osatzen dute.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.