Euskalteleko zuzendarien bonuak 'ezmoralak' direla salatu du ELAk
Konpainia burtsan kotizatzen hasten denean Euskalteleko goi-zuzendariak “aberastu” egingo direla salatu du gaur ELA sindikatuak. Hori “eskandalua” eta “ezmorala” dela kritikatu du sindikatu abertzaleak.
Eusko Jaurlaritzak eta Kutxabank bankuak “enpresako akzioen % 100 izan zituzten, baina orain % 70 inbertsio funtsen esku geratuko dira”, ELAk adierazi duenez. Hori zergatik gertatu den azaltzeko eskatu die sindikatuak bankuari eta Exekutiboari. Inbertsio funtsek “espekulazioa eta epe laburrera etekina handitzea soilik helburu” dituztela salatu du ELAk.
“Ondare publikoa oparitzea nork erabaki zuen eta zergatik?” jakitea eskatu du ELAk gaur agiri batean. “Nork eta zergatik altxorra merke saltzea erabaki du?”, galdetu du sindikatuak.
ELAren hitzetan, pribatizazio prozesua “arbuiagarria” da, eta baita “zuzendaritzako hamar pertsonek 40 milioi euro baino gehiagoko ‘opari’ bat eramatea ere. Ezmorala da”. “Kargu horiek aberasteko erabiltzea ez-legitimoa eta ezmorala da”, gaineratu du.
Bonuak akzioetan berriro inbertitzea eskatu du Jaurlaritzak
Zentzu horretan, bonuek Exekutiboak defendatzen duen euskal enpresa ereduarekin “talka” egiten dutela adierazi du Josu Erkoreka Eusko Jaurlaritzako bozeramaileak.
Pizgarri sistema hori enpresa pribatu baten Administrazio-kontseiluak adostu duela gogorarazi du Erkorekak. Burtsan kotizatu edo inbertsio funtsen parte-hartzea duten konpainietan ohikoa dela azpimarratu du Exekutiboko bozeramaileak.
Hala ere, “Eusko Jaurlaritzak defendatzen duen euskal enpresa ereduarekin talka” egiten duela esan du Erkorekak. Bonuak “konpainiako akzioetan berriz inbertitzea” eskatu du bozeramaileak, “enpresaren errotzea sendotzeko”.
ea sendotzeko”.Zure interesekoa izan daiteke
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.