Kutxazainetan dirua ateratzeagatik, komisio bikoitzik ez, 8 bankutan
Zortzi banketxek, tartean Kutxabankek, euren bezeroei kutxazainetan diru ateratzeagatik komisio bikoitzik ez kobratzeko akordioa izenpetu dute asteazkenean.
Bankia, Sabadell, Kutxabank, Abanca, BMN, Ibercaja, Liberbank eta Unicaja (Euro 6000 sarearen menpe daude denak) bankuek sinatu dute ituna, baina baliteke aurrerantzean ere beste banketxe eta kutxa batzuk batzea.
Bezero ez direnei euren kutxazainetan dirua ateratzearren bi euroko komisioa ordainaraziko zietela iragarri dute BBVAk, Santander bankuak eta Caixabankek. Horri erantzunez edo, akordioa lortu dute orain zortzi bankuek.
Bankinter eta Banco Popular itunera biltzekotan dira. Era berean, azken honek alde biko akordioak lortzeko asmoari eutsi dio. Orain dela gutxi, esaterako, ING Direct sareko bankuaren bezeroei bere kutxazainak doan erabiltzeko izenpetu zuen.
Jada akordioa sinatuko dutela iragarri duten bankuak Estatuan dauden kutxazainen % 37ren jabe dira.
Komisio bikoitza
Caixabank izan zen bi euroko komisioa ezartzen lehena. BBVA irailaren 21ean hasiko da kobratzen eta Santander bankuak ere aurki indarrean jartzeko asmoa du.
Finantza sektoreko iturriek Europa Press agentziari nabarmendu diotenez, garrantzitsua da Espainiako Bankuak komisioen auzia argitzea. Izan ere, eurenak ez diren kutxazainak erabiltzearren komisio bat ordaintzen dute jada bankuetako bezeroek; banketxe handiek iragarritako honekin, beraz, birritan ordaindu beharko lukete.
BBVA izan da komisio bikoitza aplikatuko ez duela iragarri duen bakarra.
i duen bakarra.Albiste gehiago ekonomia
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.