Langabeziak behera egin du irailean Euskadin eta Nafarroan
Enplegu zerbitzu publikoetan erregistratutako langabeen kopuruak behera egin du Euskadin, irailean. Abuztuan baino 347 pertsona gutxiago zenbatu dituzte langabezian. Honenbestez, 155.422 langabe daude EAEn, % 0,22 gutxiago.
Enplegu eta Gizarte Segurantza Ministerioaren arabera, 2014ko iraileko datuekin alderatuta, 14.115 pertsona gutxiago daude langabezian.
Araban eta Gipuzkoan langabeziak behera egin du, 389 (% 1,52) eta 68 (% 0,16) langabe gutxiago erregistratu baitituzte batean eta bestean. Bizkaian, aldiz, gora egin du, 110 pertsona gehiago (% 0,13) zenbatu dituzte langabezian.
Langabeziak behera egin du sektore hauetan: eraikuntza (324), industria (306), nekazaritza (258) eta zerbitzuak (202). Aurretik lanik izan ez dutenen artean, ostera, gora egin du langabeen kopuruak (743).
Kontratuei dagokienez, guztira 89.136 egin dituzte; mugagabeak izan dira horietako 6.550, eta aldi baterakoak, gainerako guztiak (82.586).
Bestalde, Gizarte Segurantzak 891.525 afiliatu batu ditu irailean, aurreko urteko hilabete berean baino 18.756 afiliatu gehiago; % 2,15eko igoera izan du, beraz. Abuztuko datuekin alderatuta, 6.116 afiliatu gehiago (% 0,69) daude EAEn.
% 1,25 behera, Nafarroan
Nafarroan ere, behera egin du. Irailean, 524 pertsona gutxiago zenbatu dituzte langabezian foru erkidegoan, % 1,25 gutxiago. Guztira, 41.243 langabe daude Nafarroan.
Azken hamabi hilabeteetan, 4.963 langabe gutxiago zenbatu dituzte Nafarroan, % 10,74 gutxiago, alegia.
Sektore guztietan egin du behera langabeziak Nafarroan, aurretik lanik izan ez dutenen artean izan ezik. 11 pertsona gehiago daude langabezian talde horretan, eta 3.339 dira guztira. 20-24 eta 30-44 adin-tarteak dira kaltetuenak.
Kontratazioari dagokionez, Foru Erkidegoan 36.598 kontratu egin direla jakinarazi du Enplegu eta Gizarte Segurantza Ministerioak, abuztuan baino 10.416 gehiago. Horietatik 1.889 bakarrik izan dira mugagabeak. Hala ere, abuztuan baino % 95,1 gehiago eta duela hamabi hilabete baino % 13,5 gehiago izan dira.
Langabeziak gora egin du Estatuan
Espainian, aldiz, langabe kopuruak gora egin du irailean. 26.087 pertsona gehiago zenbatu dituzte langabezian. Guztira, 4.094.042 langabe daude.
Abuztuko datuekin alderatuta, langabeziak % 0,64 egin du gora irailean. Horrela, azken bi hilabeteetan gora egin du langabeen kopuruak Estatuan. Irailean gorakadak izan ohi dira udako denboraldia amaitzearekin batera. 1996az geroztik, hirutan egin du behera: 2005ean, 2006an eta 2007an.
Bi sektore ekonomikotan egin du gora langabeziak irailean: zerbitzuak (43.155 langabe, % 1,6, gehiago) eta aurretik lanik izan ez dutenen kolektiboa (9.310 langabe, % 2,6, gehiago). Beste hauetan, berriz, behera egin du: nekazaritza (12.447 langabe, % 6,4, gutxiago), eraikuntza (9.902 langabe, % 2,1, gutxiago) eta industria (4.029 langabe, % 1, gutxiago).
1.795.742 kontratu erregistratu dira irailean, 2014ko hilabete berean baino % 9,9 gehiago. Horietatik 152.928 kontratu (% 8,5) mugagabeak izan dira, 2008ko urritik kopururik handiena eta iazko irailean baino % 10,4 gehiago.
8.916 afiliatu gehiago ditu Gizarte Segurantzak
Bestalde, Gizarte Segurantzak abuztuan baino 8.916 afiliatu gehiago ditu; % 0,05 gehiago, hain zuzen. Guztira, 17.189.815 dira, Enplegu Ministerioak jakitera eman duenez.
Horrela, afiliazio kopuruak gora egin du irailean bigarren urtez jarraian, baina gorakada txikiagoa izan da aurten; izan ere, 2014an 12.182 afiliatu berri izan ziren. Iraila hilabete negatiboa izan ohi da, turismoarekin lotutako kontratuak amaitzen direlako. Urtebetean, 528.112 afiliatu irabazi ditu sistemak.
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.