Langabeziak behera egin zuen uztailean, EAEn zein Nafarroan
Euskal Autonomia Erkidegoko langabe kopuruak behera egin du uztailan, seigarren hilabetez jarraian, 3.032 pertsona gutxiago zenbatuta, ekaineko datuekin alderatuta; hau da, % 1,93 gutxiago. Beraz, beharrik gabe daudenen lagunen kopurua 153.873 da egun.
Enplegu eta Gizarte Segurantzako Ministerioak plazaratutako datuen arabera, 2014ko ekainarekin alderatuta, 13.520 langabe gutxiago zenbatu dira EAEn, alegia, % 8,08 egin du behera.
Lurraldeka, Araba da langabezia gehien jaitsi den lurraldea, % 2,46 (634 pertsona gutxiago); ondoren, Gipuzkoa dator, % 2,09 bajatu da (903 gutxiago), eta, azkenik, Bizkaia dago, % 1,7ko jaitsierarekin (1.495 gutxiago).
EAEn uztailean zeuden 153.873 langabeetatik 9.849k 25 urtetik behera zeukaten. Horrek adierazten du, tarte horretan 127 langabe gehiago daudela ekaineko datuekin alderatuta.
Sexuen arteko banaketari dagokionez, guztizko kopurutik gizonezkoena 70.784 da, eta emakumezkoena, berriz, 83.089.
Nafarroan ere, behera
Nafarroan aurreko hilabetean zenbatu duten langabeen kopuruak behera egin du eta 581 pertsonak lana topatu dute, ekaineko datuekin erkatuta. Hortaz, % 1,35 jaitsi da lanik gabe dauden lagunen kopurua eta, guztira, 42.330 langabe daude Foru Erkidegoan.
Hala, urtebetean 4.417 lagun gehiago dago lanean eta horrek % 9,45 gora egitea ekarri du.
Nafarroan, langabezian dauden 42.330 pertsonetatik 18.616 gizonezkoak dira eta 23.714 emakumezkoak; guzti horietatik 3.866k 25 urte baino gutxiago dute (2.036 gizonezko eta 1.830 emakumezko), eta gainerakoek (38.464) adin hori gainditzen dute (16.580 gizonezko eta 21.884 emakumezko).
Halaber, Estatu espainiarrean ere behera egin du langabe kopuruak uztailan, seigarren hilabetez jarraian; 74.025 pertsona gutxiago dago lan bila eta, guztira, 4.046.276 lagun daude langabezian. 1998 urtetik uztail batean izan den inoizko jaitsiera handiena da, eta 2014an izandakoaren bikoitza baino gehiago, 29.841 norbanakok lana aurkitu zutenean.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.