Oregi: 'Euskal Y-ak ez du atzera bueltarik'
'Euskal Y'aren lanek ez dute "atzera bueltarik", Ana Oregi Eusko Jaurlaritzako Ingurumen eta Lurralde Politikako sailburuaren hitzetan, eta Jaurlaritzak "ibilbidea gauzatzeko egindako lanen ondotik, tren lasterraren kudeaketan parte hartzeko asmoa" duela azpimarratu du, "Euskotrenek duen ahalmen operatiboa" baliatuta.
Atlantikoko Trenbide Korridorearen inguruko jardunaldiak izan dira gaur Bilbon, Expansion egunkariak antolatuta, eta bertan egin ditu adierazpenak Ana Oregi sailburuak. Julio Gomez-Pomar Espainiako Gobernuaren Sustapen Ministerioko Azpiegitura Estatu idazkariak ere parte hartu du jardunaldietan.
Oregik bere agerraldian azpimarratu duenez, "lanak errealitate bat dira, eta ez dute atzera bueltarik". Zenbait lan bukatu behar direla aitortu duen arren, "orain errealitate hori nola kudeatuko dugun pentsatu beharra dago".
Horren ildotik, Jaurlaritzak "trenbide sare berriko zerbitzuak eman eta diseinatzeko" asmoa duela esan du Oregik. "Lanak materialki gauzatzeko egin dugun apustuak segida izan behar du trenaren kudeaketan, Euskotrenek duen ahalmen operatiboa baliatuta", erantsi du.
Ministerioak "konpromiso sendoa" agertu du
Julio Gomez-Pomar Sustapen Ministerioko ordezkariak nabarmendu duenez, bestalde, Espainiako Gobernuak 'Euskal Y'arekiko "konpromiso sendoa du, eta hala, 2019rako trena martxan egoteko "pausoak" ematen ari direla iragarri du.
Iragarri duenez, urriaren 28an EAEko agintariek, Espainiako Gobernuko kideek eta Frantziako exekutiboaren ordezkariek bilera izan dute Bordelen "bi administrazioen arteko koordinazioa" hobetzeko.
Zure interesekoa izan daiteke
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.