2019rako AHTaren lanak amaituta izango direla berretsi du Pastorrek
Abiadura Handiko Trenaren (AHT) Euskal Autonomia Erkidegoko (EAE) lanak 2019rako amaituta izango direla berretsi du Ana Pastor Espainiako Sustapen ministroak. Horren esanetan, proiektuak ez du atzera bueltarik eta 2019rako martxan izango da.
Hala adierazi du trenarekin loturiko produktuak egiten dituzten Amurrioko eta Laudioko bi enpresatara egindako bisitan.
Hedabideen aurrean egindako adierazpenetan, Espainiako Gobernuak legealdi honetan inbertitutako 2.300 milioi euroak eta 2016eko aurrekontu proiektuan azpiegitura horretara bideratutako 290 milioi euroak ekarri ditu gogora. Halaber, kupoaren bitartez Eusko Jaurlaritzak beste 300 milioi euro inguru ere jasoko dituela zehaztu du. Beraz, aurten guztira 500 milioi euro baino gehiagoko inbertsioa egingo dela nabarmendu du. "Orain arteko inbertsio erritmoari eutsiz gero, 2.300 milioi eurorekin, 2019rako amaituta egongo da eta nik hori ikustea espero dut", zehaztu du.
Pastorren hitzetan, proiektu horrek "ez du atzera bueltarik". "Abiadura Handiko Trenaren plataforma guztia eraikitzen hasita edo esleituta dago eta ez dago kezkatzeko inolako arrazoirik; dena martxan dago eta 2019rako amaituta izateko baldintzak betetzen dira", azpimarratu du.
Bestalde, Pastorrek zehaztu du irailean bilera egingo duela Ana Oregi Eusko Jaurlaritzako Ingurumen eta Lurralde Politikako sailburuarekin eta Euskal Autonomia Erkidegoko alkateekin trena Bilbora, Donostiara eta Gasteizera iristeko konponbideak aztertzeko.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.