1.400 milioi euroko galerak EBn, jostailuen faltsutzeagatik
Faltsutzeak direla eta, urtero 1.400 milioi euroko galerak dituzte Europar Batasuneko jostailu fabrikatzaileek, Barne Merkatua Harmonizatzeko Bulegoak (BMHB) egindako ikerketa baten arabera.
Europar Batasuneko markak, diseinuak eta modeloak erregistroan jaso, sustatu eta administratzea helburu duen agentzia da BMHB, eta faltsutzeek sektore ezberdinetan duten eraginaren inguruko txostenak kaleratu ditu aurten. Oraingoan, jostailuen eta jolasen merkatua ikertu du (bideo-jokoak, bideo-jokoetarako softwarea eta bizikletak ez ditu kontuan hartu). Ikerketaren arabera, salmenten % 12 eta 6.150 lanpostu galtzen dira urtero faltsutzeen erruz.
Espainiako Estatuan, salmenten % 16,6 (167 milioi euro) galtzen da, txosten horren arabera.
Barne Merkatua Harmonizatzeko Bulegoaren esanetan, jolasak eta jostailuak fabrikatzeko sektorean, enpresa txiki eta ertainak dira nagusi; batez beste, 10 bat langile dituztenak.
Faltsutzeek sektorean dituzten eragin zuzen eta zeharkakoak kontuan hartzen badira, gainera, 370 milioi eurokoa da urtero galera, BEZaren, errentaren gaineko zergaren, Sozietateen gaineko zergaren eta Gizarte Segurantzaren kotizazioen bidez galdutakoa kontuan hartuta.
Alemania da Europar Batasuneko jostailu fabrikatzaile handiena. 2012ko datuen arabera, Europar Batasuneko jostailu guztien % 40 (2.700 milioi euro) herrialde horretan ekoizten dira.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.