EAEko ontziolen 'irudiari egindako kaltea' konpontzea nahi du Tapiak

EAEko ontziolen irudia lehengora ekartzeko ekintzak behar direla adierazi du Arantza Tapia Ekonomiaren Garapen eta Lehiakortasunerako sailburuak. Europako Batzordeak tax lease izenarekin ezagutu diren laguntza fiskalak legez kanpokotzat jo zituen eta dirua itzultzeko agindu zien Espainiari eta inbertitzaileei.

Europako Auzitegiak laguntza horiek legezkotzat jo ondoren, prentsaurrekoa eman du Tapiak Donostian, Europar Batasuneko Justizia Auzitegiaren sententzia baloratzeko. Epaitegiak laguntza horiek erabat legezkoak direla ebatzi eta Europako Batzordearen erabakia baliogabe utzi eta gero, Eusko Jaurlaritzak ?erabateko? babesa emango dio berriz sektoreari.

Tapiaren ahotan, ?premiazko balorazio bat eginda, azkar ahazteko arazo bat ez da, urteak eraman dituelako?. ?Euskaditik egindako lan handia? goraipatu du sailburuak, eta ?erakunde publikoen eta enpresa kaltedunen parte-hartzea? azpimarratu du.

Sailburuaren arabera, erakundeek ?hasieratik amaierara arte eutsi diote arazoari Eusko Jaurlaritzaren, Pymar ontziolen elkartearen eta Europako Parlamentuaren lankidetzarekin?.

Irudia, kolokan

Europako Batzordearen erabakiak EAEko ontziolei ?kalte ikaragarria? egin diela azpimarratu du Tapiak, ?kalte handia egin baitio horien irudiari?.

Gainera, ontzi berriak egiteko orduan finantziazioa lortzeko lana oztopatu du, ?ziurgabetasuna? areagotu zelako, sailburuaren esanetan. Horrek ?asko zaildu zuen? ontzi berriak egiteko kontratu gehiago lortzeko lana, esan du. Laguntza horiek legez kanpo utzi ondoren, diru-laguntza berriak aplikatzeko garaian ontziolek, Pymarrek eta Euskal Herriko Itsas Foroak egindako lana goraipatu du Tapiak.

?Euskadiko ontziolen historian aro berri bat? hasi dela uste du sailburuak. ?Segurtasun juridikoa erabatekoa izateko?, Eusko Jaurlaritzak lana erruz egingo duela iragarri du Tapiak. Orain ?2007 eta 2011 arteko tax lease horien garai ilunari amaiera eman eta indarrean dagoen finantziazio mekanismoa indartzea? dutela helburu nabarmendu du.

Confebask

Bestalde, sententzia ?beranduegi? heldu dela uste du Roberto Larrañaga Confebaskeko presidenteak, ontzioletan zein inguruko lantegietan ?kaltea eginda dagoenean? heldu baita.

?Tax lease: kalte bidegabea? izeneko artikulu batean Europako Justizia Auzitegiaren sententziari buruz aritu da Confebaskeko buruzagia bere blogean. Erabakiarekin ?pozik? agertu da Larrañaga, ?enpresek urte askotan jasan dutena jasan eta gero, euren jarduna legezkoa izan zela erakutsi dutelako?.