Jaurlaritzak Europara joko du altzairuaren 'dumping'ari aurre egiteko
Arantxa Tapia Ekonomiaren Garapen eta Lehiakortasun sailburuak iragarri duenez, Eusko Jaurlaritzak Europara joko du 'dumping'aren (prezioak produkzio kostuen azpitik ezartzeari deritzo) aurrean "esku hartzeko" eta altzairuaren "gure sektorearen itxiera" ekarriko ez duen araudia eskatzeko. Bruselaren erantzuna "modu eraginkor eta azkarrean" etortzea espero duela nabarmendu du.
Orkli enpresak Ordizian duen lantegian izan da goizean Tapia, eta bertan egin ditu adierazpenak. Sailburuak aurreratu duenez, Iñigo Urkullu lehendakaria Bruselara joango da aurki, Miguel Arias Cañete Energiaren Europako komisarioarekin biltzera eta 'dumping'ari nola aurre egin aztertzera.
Hain zuzen ere, Txinaren politika hori aipatu du Arcelor Mittal konpainiak Sestaon duen lantegia (Aceria Compacta de Bizkaia, ACB) behin-behinean eta modu mugagabean itxi duela iragartzeko orduan. Atzo adierazi zuenez, lantegiaren behin-behineko itxialdiak 335 beharginei eragingo die eta, ondorioz, enplegu eta soldata barik izango dira epe horretan. 2011n ere beste geldialdi bat egin zuen lantegiak, sei hilabetekoa.
Sailburuak gogoratu duenez, hartutako erabakia Txinatik ekoizpen-kostuen azpitik dauden prezioetan inportatzen den altzairuaren eraginez dator, eta "hori 'dumping'ezko praktika da" (produktu bat balioa duena baino merkeago saltzea). Horren aurrean, Europa ez da ari sendotasunez erantzuten, "bere araubidea geldo eta berandu baitoa".
"Merkatu askea bai, baina 'dumping'ik gabe"
"Guztiok era berean lan egiten, noski merkatu askeko baldintzetan, baina 'dumping'ik egin gabe, kasu honetan gertatzen ari den legez", adierazi du Tapiak. Sailburuak aurreratu duenaren arabera, Eusko Jaurlaritzaren jarduera lehendabizi Europan izango da "'lobby' hori martxan jartzen saiatzeko, uste baitugu beste herrialde batzuek ere nahi izango dutela. Gainera, uste dugu arin eta modu eraginkorrean egin behar dela".
Garapen Ekonomikoko erantzuleak jakinarazi du enpresak atzo goizean adiera ziola Jaurlaritzari aldi baterako EEEa (enplegu-erregulazioko espedientea) aurkezteko asmoa, ordutik aurrera etengabeko harremanetan gaude gainerako euskal instituzioekin, bereziki Bizkaiko Foru Aldundiarekin eta Sestaoko Udalarekin.
Arantxa Tapiak gogorarazi du Sestaoko altzairu-fabrikak "beste geldialdi batzuk ere izan ditu eta leheneratzen eta merkatura itzultzen jakin du". "Horixe bera da enpresatik bertatik helarazten digutena, egunero ekinean egongo direla hori errealitate bihur dadin; eta gu ere hala egongo gara Europatik lanean, eta eurekin etengabe harremanetan, errealitate hori ahalik eta azkarren gerta dadin. Hala ere, gaur-gaurkoz urte zaila izango dela ikusten dugu", gaineratu du.
, gaineratu du. , gaineratu du. , gaineratu du. , gaineratu du.Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.