Sestaoko alkatea: 'Oraindik badago Arcelor ez ixteko aukera'
Josu Bergara Sestaoko alkatearen esanetan, oraindik ere bada aukerarik Arcelor Mittal enpresaren Sestaoko lantegiaren behin-behineko itxiera behin betikoa izan ez dadin. Ildo horretan, "Europar Batasunari dagokio itxiera hori saihesteko neurriak hartzea", azpimarratu du.
Sestaoko alkateak zehaztu duenez, altzairu lantegia "lehiakorra" da, besteak beste, "modernoa" delako eta gizatalde "oso ona" duelako. Dena den, horren hitzetan, altzairugintza ez dago bere onenean, batez ere, Txinaren konpetentziagatik eta elektrizitateak Espainian duen kostuarengatik.
Bergararen esanetan, oraindik badago Arcelor behin betiko ez ixteko aukera, baina Euskadiko altzairu sektoreari laguntzeko neurriak Europako erakundeek hartu behar dituztela uste du. "Ez dago Sestaoren edota Ezkerraldearen esku, Europaren esku baizik", gaineratu du.
Ildo horretan, Iñigo Urkullu lehendakaria Bruselara joango da asteazkenean eta hainbat komisario europarrekin elkartuko da. Bilera horietan, hainbat gai izango dituzte hizpide; euskal altzairugintza sektorearen eta, bereziki, Arcelor Mittalen Sestaoko lantegiaren egoera, besteak beste.
Bilera horien emaitzaren "zain" egon behar dela nabarmendu du Bergarak.
Sestaoko alkatea Eusko Legebiltzarrean izango da goizean, egoera sozioekonomikoari buruzko lantaldean parte hartzeko. Ezkerraldearen, Meatzaldearen eta Oarsoaldearen egoera aztertuko dute aipaturiko lantaldean.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.