Arcelorren batzorde europarrak presioa egingo du euskal fabriken alde
ArcelorMittaleko Europa mailako enpresa-batzordeak presioa egingo dio konpainiari Sestao eta Zumarragako fabriketan lanpostuei eta jarduerari eusteko. Batzordeak Europa mailan duen idazkari Didier Zint Bilbon izan da gaur, EAEko bi lantegi horietako langileei babesa ematea xede.
Sestaoko fabrika geldirik dago, eta ez dago ezarrita jarduera berreskuratzeko datarik; Zumarragakoak, aldiz, partzialki du geldituta jarduera, zuzendaritzak iragarri zuenez. Lehenak 335 langile ditu, adostutako EEE egoeran, eta bigarrenak, ordea, 325.
Zintek prentsaurrekoa eman du Bilbon, CCOO, UGT eta ELAko sindikalistekin batera; hala ere, hitz egin duenean oraindik ez zuen egina bilera Arcelor Espainiako giza baliabideetako zuzendaritzarekin. Gerora emango dute jakitera zer hitz egin duten bertan.
Zintek deitoratu du ez dela erreza izan Bilbora langileei babesa emateko etortzea; izan ere, enpresak ez dio erraztu babes-lan hori.
Irtenbidea, Euskadin
Sestao eta Zumarragako fabriken irtenbidea Euskadin negoziatu behar dutela esan badu ere, sindikalistak azaldu du nola Europa mailako batzordea haien alde dagoen, eta esan du presioa egingo diotela Arcelorri bi lantegien jarraipena lortzeko.
Lehenik eta behin, bilera eskatuko dute zuzendaritzarekin; hori beharko lukete, jakiteko bertatik bertara zergatik dago bertan behera jarduera bi lantegietan, zer dela eta hartu den erabakia.
Helburua da bilera izatea produktu lauetako eta luzeetako Europa mailako arduradunekin; izan ere, Sestaon eta Zumarragan bi produktu-mota horiek ekoizten dituzte, eta bakoitzak espezializazio-maila jakin bat du. Hori dela eta, bietako etorkizunak independenteak dira.
Zumarragakoa, nazioarte mailakoa
Gainera, batzordeak nahi du Zumarragako auziak nazioarte maila izatea; argudioa da jarduera beste herrialde batzuetara eraman nahi dutela. Kalifikazio hori lortuko balitz, lege-prozesu bat abiatuko litzateke, non enpresak informazioa eman behar duen eta Europako enpresa-batzorderen iritzia entzun behar duten; "beste gauza bat da ea gero kontuan hartzen duten", onartu dute sindikalistek.
Asmoa da "lana bermatzea, fabriketarako inbertsioak lortzea eta horretarako babes politikoa eskatzea", amaitu du Zintek.
LABek salatu du bileratik baztertu dutela
LAB sindikatuak salatu du baztertu egin dutela ArcelorMittalen Europako enpresa-batzordeak Bilbon ostegun honetan izandako bileratik.
Agiri batean, sindikatuak zehaztu du nola Sestaon eta Zumarragan dituen ordezkariak bertaratu diren, Europako batzordeak gonbidatu zituelako, CCOO sindikatuaren Bilboko egoitzan. Dena dela, LABek adierazi du bere ordezkariei ez dietela utzi bileran sartu; hori dela eta, bertatik alde egitea erabaki dute.
Bilera zuzendaritzarekin
Zumarragako batzordeak, bestalde, ostiralean iragarriko du, langileen asanbladaren ostean, zuzendaritzak datorren astelehenerako, Lan Harremanen Kontseiluaren egoitzan, Donostian, deitu duen bilerara joango den ala ez.
Enpresako langile batzordeko iturriek azaldu dute atzo arratsaldean elkartu zirela, bigarren egunez jarraian bilerarekin egitekoa zuten bilera, lekuarekin ados jarri ez direlako, bertan behera geratu ostean.
Mobilizazioak
Mobilizazioen egutegiari eta Donostian Aldundiaren egoitza parean ostiralean egin behar zuten elkarretaratzeari dagokienez, langileen ordezkariek esan dute lehenengo langileekin jorratuko dutela gaia, eta "guztia enpresaren jarreraren mende" dagoela.
Albiste gehiago ekonomia
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.
EAEko biztanleen % 18,5ek maiz edo etengabe izaten dute laneko estresa
Randstaden ikerketa baten arabera, Euskadiko herritarren % 10,5ek baino ez dute inoiz beren lanarekin lotutako estresik sentitu. Emakumeek gizonek baino estres maila altuagoak izaten dituzte, eta maizago pairatzen dute.
Etxebizitzaren prezioak goia jo du berriro Donostian: 5.869 euro metro koadroko
Apirila eta ekaina bitartean, metro koadroko prezioa % 1 igo da oro har Gipuzkoan, aurreko hiruhilekoarekin konparatuta. Etxebizitzen salerosketari dagokionez, % 2,7 handitu da, eta alokairuak, ordea, % 10,9 egin du behera.
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".