LAB Confebasken 'amesgaizto' bihurtzea nahi du Etxaidek
Ainhoa Etxaide LABen idazkari nagusiak sindikatua Confebasken "amesgaizto" bihurtzearen aldeko apustua egin du gaur.
Etxaidek gogor jo du EAEko patronalaren kontra gaur goizean Donostiako Atano III.a frontoian, ordezkari sindikalekin, egin duten asanbladan.
LABen buruzagiak azaldu duenez, Confebaskek datorren astelehenean aurkeztuko duen "lan-harremanen eredu berria" patronalaren "ametsa" da, "sindikaturik gabeko lantokia" aurreikusten duelako.
Amets horren aurrean, erantzun onena "LAB Confebasken amesgaizto bihurtzea" dela uste du, "lan gatazkak piztuta", patronalaren "erosotasuna amaitzeko".
Alderdi neoliberalei zigorra
Etxaidek "sindikalismo desobedientea" aldarrikatu du, "errebeldea eta aldaketa prozesuarekin konprometitua"; eta ekainean hauteskundeak izango direla ziurtatu du, orokorrak edo EAEkoak, edo biak batera.
Testuinguru horretan, LABen helburua hauteskundeak "baldintzatzea" izango omen da, eta "botere ekonomikoaren" menean langileen eskubideak urratu dituzten "indar neoliberalak zigortzea" eskatu die boto-emaileei.
Gobernu guztiak ez direla berdinak defendatu du, eta adibide gisa Gipuzkoa jarri, EAJren eta PSE-EEren Aldundiak Diru-sarrerak Bermatzeko Laguntza kenduko duelako, EH Bilduk aurreko legegintzaldian indarrean jarri ostean.
n jarri ostean.Zure interesekoa izan daiteke
Konpainia elektrikoen bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako Errege-Dekretu berriaren arabera, elektromendekoei eta zaurgarriei ezingo zaie argindarra eten ordaintzen ez badute ere, eta kontratuak eteteak ez dute, oro har, zigorrik izango. Halaber, zigorrak aurreikusten dira konpainientzat, arauak hausten dituztenerako.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtzesko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorrar berregituratzea beharrezkoa da", Bengoetxearen aburuz
Euskadi Irratiko "Faktoria" irratsaioan egindako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politika sailburuak adierazi duenez, zorra berregituratzen Jaurlaritza "bidelagun" izango da.
Vital Fundazioak 10 milioirekin bat egin du Ayesa Digital erosteko euskal partzuergoarekin
Operazioak garai bateko Ibermaticaren erabakigunea Euskadira itzultzea indartzen du, eta Araban enplegu kualifikatua sortzea aurreikusten du.
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, erabakitzeko enpresak iragarritako 301 kaleratzeei nola egin aurre.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzaingaien % 59k gainditu dute psikoteknikoa baremazioa aldatu ondoren
Zupiria sailburuak adierazi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.