Arte Ederretako langileen eta enpresaren arteko negoziazioa, geldituta
Bilboko Arte Ederren Museoan azpikontratatuta lan egiten duten langileen eta Manpower Group enpresaren arteko negoziazioak ez atzera ez aurrera daude, 37. greba eguna betetzen den honetan. Egoera desblokeatu nahian, enpresari beste eskaintza bat egingo diote aurki langileek.
Hala iragarri du gaur Juan Jose Capetillo langileen bozeramaileak. Soldata eta baldintza "duin" batzuk eskatzeko greba mugagabea abiatu zuten beharginek maiatzaren 16an. Lanuztearen ondorioz, Museoa itxita dago, eta herritarrek eta turistek ezin izan dute hiperrealismoari eskainitako erakusketa, uda garaiko nagusia, ikusi.
Capetilloren esanetan, negoziazioa geldituta dago, baina ez etenda. Enpresak eskaintza egin zien joan den astean, baina langileek baztertu egin zuten. Orduko 0,25 zentimoko igoera proposatu zien zuzendaritzak, euren helburutik dezente urrun dagoen proposamena.
Langileek hilean 1.200 euroko soldata garbia eskatzen dute, 14 pagatan, baina prest daude datozen hiru urteetan progresiboki jasotzeko igoera hori.
Hori da, hain justu, enpresari helaraziko dioten eskaintzan jasoko duten proposamena. Hori onartuz gero, 2016an, igoeraren % 40 jasoko lukete (gaur egun kobratzen dutenaren eta 1.200 euroko soldataren artean dagoen aldearen % 40); 2017an, beste % 40; eta 2018an, gainerako % 20a.
Capetilloren hitzetan, "astean 40 orduz, astelehenetik igandera, jaiegunak barne, lan egiten duen batentzat hilean 1.200 euro eskatzea ez da gehiegikeria, ez dut uste inor hori esaten ausartuko denik. Soldata duina da hori guretzat, eta hortik beherakorik ez dugu onartuko".
Erakundeekin, krtiko
Enpresarentzat ez ezik, Museoaren jabe diren erakundeentzat (Bilboko Udala, Bizkaiko Foru Aldundia eta Jaurlaritza) ere hitz gogorrak izan ditu Capetillok. "Oporretan" bezala daude, "arazoa eurena izango ez balitz moduan, baina Museoak 37 egun daramatza itxita", deitoratu du.
"Erantzukizunak saihestu" nahi izatea egotzi die langileen ordezkariak, eta gatazka konpontzen laguntzeko eskatu die. Izan ere, horrek azpimarratu duenez, "hiperrealismoaren artelanak Alemaniara itzul daitezke inork ikusi gabe, eta muntaiak eragindako gastuak ordainduta, gainera".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.