Sestaoko ACB, berriro martxan
Aceria Compacta Bizkaia (ACB) Sestaoko Arcelor Mittalen plantak gaur, hilak 9, berrekin dio jardunari, urte erdi baino gehiago geldirik egon ostean. Alabaina, asteburuetan baino ez dute ekoiztuko, eta 140 langilerekin, 12.000 bat altzairu tona hilean.
290 langileetatik 140 lanean hasi dira, ehun batek aurretiazko erretiroari helduko diote 61 urte betetzen dituztenean, eta beste 50 Enplegu Erregulazio Txostenak hartuak izango dira "berriz bat egiteko zain, merkatuak ahalbidetuz gero".
Lantegia Ikerketa eta Garapenean murgilduko da, eta baliabideak izango ditu ikertzeko eta balio erantsi handiko produktuak garatzeko, hori dela eta, Eusko Jaurlaritzaren diru-laguntzak jaso litzake.
Sestaoko ACBk jardunari berriz ekingo ziola iragarri zutenetik, abuztuan, langileei formakuntza eman diete, instalazioak prestatu dituzte eta materialaz hornitu dira.
Plantak asteburutan baino ez du ekoizpena egingo, 12 orduko lanaldietan, eta beste inon egiten ez dituzten produktuen 10.000-12.000 tona ekoitziko dituzte.
"Lehen urrats bat da"
Arantza Tapia Eusko Jaurlaritzaren Garapen Ekonomiko eta Lehiakortasun sailburuak onartu egin du Sestaoko ACB berrabiatzeko baldintzak ez direla "egokienak" baina "lehen urrats bat" dela.
Onda Vasca irratian egindako elkarrizketa batean, Europa Pressek zabaldu duenez, sailburuak positibotzat jo du berriz "zabaltzea lortzea, ordezkaritza sindikalarekin adostutako baldintzetan".
"Lehen urrats bat da. Baldintzak ez dira egokienak ezta onenak ere, baina gure ustean, enpresa prest dago produktu berria egiteko, besteengandik ezberdintzeko eta merkatu berriak bilatzeko beharrezkoak diren inbertsioak egitera, eta epe laburrean lehen zeukan gaitasuna berreskuratu ahal izango du", ziurtatu du.
Halaber, azaldu duenaren arabera, Sestaoko plantak "errendimendu handian dabilen biki bat" dauka AEBn, hori dela eta, "etorkizuna" izango duen instalazioa dela uste du.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.