Ekoizpena bikoizteko proposatu du Sestaoko ACB altzairutegiak
Sestaoko ACB altzairutegiko ekoizpena bikoizteko proposamena aurkeztu die ArcelorMittaleko zuzendaritzak langileei, hilean 15.000 tonatik 33.000 mila tonara pasatzeko. Erabaki hori onartuko balute, 35 lanpostu sortuko litezke eta asteburu guztietan lan egin beharko lukete.
Dena den, zuzendaritzak langileen ordezkariekin eztabaidatu behar ditu aldaketa horiek. Hala, Sestaoko ArcelorMittaleko langile batzordeak beste neurri batzuk onartzeko eskatu dio zuzendaritzari, eta egutegian aldaketa batzuk egiteko proposatu dio. Era berean, gauez ere aritzea aztertu behar dute.
Langile batzordearen arabera, zuzendaritzak ekoizpena bikoizteko proposamena luzatu die, hilean 33.000 mila tona ekoizteko. Ondorioz, lan-txanda berriak antolatu beharko lirateke eta 12 ordukoak izan beharrean 8 ordukoak izango lirateke. Gainera, 35 bat langile berri hasi beharko lirateke lanean, kopuru horri ekoiztu ahal izateko.
Momentuz, zuzendaritzak ez du bere proposamenari buruzko xehetasunik eman, eta sindikatuekin akordio bat itxi arte ez du horren berri emango. Alabaina, langile batzordeak egindako proposamenak aztertuko dituela iragarri du.
Sestaoko ArcelorMittaleko langile batzordea ez dago konforme zuzendaritzak proposatzen dien egutegi berriarekin. Asteburuetan argindarra merkeagoa denez, asteburu guztietan lan egitea eskatu die zuzendaritzak. Halaber, aste barruan gauez jardutea aztertu behar dute.
Asteartean, urtarrilak 10, sindikatuetako ordezkariek eta zuzendaritzak akordio bat bilatzeko bigarren bilera egingo dute. Sestaoko ACB altzairutegiko langileen ordezkariek egutegi berria proposatuko diote zuzendaritzari, lana beste modu batean antolatzeko.
Albiste gehiago ekonomia
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.