Argindarraren salneurria are garestiagoa izango da gaur
Asteazkenean argindarraren handizkako prezioa megawatt orduko (MWh) 78,83 eurokoa izanik 2013ko abendutik izandako salneurririk garestiena izan ostean, Europa Pressek Omie Espainiako merkatuko operadorearen datuak aztertuta zabaldu duenez, gaur, osteguna, are garestiagoa izango dela aurreikusi dute, batez beste orduko 85,79 euroko salneurria eta 20:00etan 95,11 eurokoa izango baita, aurreikuspenen arabera.
Energia, Turismo eta Agenda Digitalaren Ministerioa eta Espainiako Merkatu eta Lehia Batzordea egunotako igoerak aztertzen ari dira, egoera berezi baten ondorio diren (hotza, lehortea, haize gabezia, petrolioaren gorakada eta Frantzian zentral nuklearren jarduera etetea) edo sektorean nolabaiteko jokabide ilunen bat egiten ari diren argitzeko.
Alvaro Nadal Energia, Turismo eta Agenda Digitalaren ministroak Cope irratian azaldu duenez, egungo prezioek ildo beretik jarraituz gero, argindarraren faktura "100 euro garestitu liteke urtean". Garestitzea faktore ugarik eragin dute, eta baldintza meteorologiko "zailak" (ur –argindarra sortzeko modurik merkeena da– eta haize gutxi dago energia ekoizteko) eta Frantzian hainbat zentral nuklearren ekoizpena eten izana aipatu ditu horien artean. Egungo egoerak salneurriak gora egitea eragin du, eta Espainiak energia elektrikoa inportatu behar izan duenez, argindarraren prezioa garestitu egin da.
Garestitze honek urte hasieratik izan den goranzko joera berretsi du, nahiz eta aurreko asteko gorakaden ostean tarteko maila batean (70 euro/MWh) eutsi dion. Atzorako aurreikusitako eskaria orduko 650 gigawattekoa (GWh) izatea espero zuten, eta astearterako 627 GWh-ko eskaria izatea espero zuten.
Handizkako merkatuaren salneurriak, 'pool' izenez ezagutzen denak, argindarraren fakturaren % 35 inguru zehazten du. Aurtengo lehen 18 egunetan prezioak % 117 egin du gora, iazko epe berdinekoarekin alderatuta.
Argindarraren eguneroko salneurria bezperan erabakitzen dute, eguerdi aldera. 'Pool'ek modu "baztertzailean" erabakitzen du prezioa, alegia, sartzen diren prezioen gorabeheren arabera ezartzen da errenkada, eta garestienak multzoaren salneurria zehazten du.
Aurretik aipatu bezala, handizkako merkatuaren salneurriak argindarraren fakturaren % 35 inguru zehazten du, fakturaren % 40 bidesariak eta gainerako % 25a BEZa eta Argindarraren gaineko Zerga ordaintzeko baliatzen baitira. Espainiako Gobernuak 2017rako izoztu egin ditu bidesariak, baita elektrizitatearen gaineko zergak ere.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.