ACBk lan-sistema berria abiatuko du gaur, ekoizpena bikoizteko asmoz
Sestaoko ACB lantegiak lan egiteko sistema berria jarriko du ostiral honetan altzairuaren ekoizpena bikoizteko asmoz, hots, 15.000 tona ekoitzi beharrean hilero 30.000 tona ekoizteko, aldi baterako enplegua erregulatzeko espedientearen eraginpean dauden 40 langile hartuta.
ArcelorMittal enpresako iturriek EFEri jakinarazi diotenez, lan-sistema berri horrekin 12 orduko txandatan ekoitziko dute asteburu guztietan; aste barruan, berriz, sei orduko txandak egingo dituzte, gaueko hamabietatik eguerdiko hamabietara.
Altzairugintzako langileentzako txanda horiez gain, enpresak badu "egutegi zehatz bat" mantenu-lanetan jarduten diren beharginentzat: lanaldi zatituan arituko dira egunean zehar, eta gauetan zenbait lantalde egongo dira.
Lan-sistema eta egutegi berriarekin, ekoizpena bikoizteko asmoa dauka Sestaoko altzairutegiak; horrez gain, langileen kopurua areagotu egingo du, egun dauden 170 beharginei aldi baterako enplegua erregulatzeko espedientearen eraginpean dauden beste 40 batuko baitzaizkie.
Enpresatik adierazitakoaren arabera, urteko bigarren hiruhilekoan aplikatuko dute sistema berria, eta ekaina bukatutakoan ebaluatuko dituzte horren emaitzak.
Martxotik aurrera, lanuzteak
Martxoaren 4tik aurrera lanuzteak egingo dituzte ACBko langileek, hala erabaki baitzuten astelehenean egindako bileran. Langile gehiago hartzea, 8 orduko lanaldiak berriz ezartzea eta lantegiaren etorkizuna berma dezaketen neurriak hartzea eskatzen diote ArcelorMittali.
Lanuzteak egiteko erabaki hori Bilboko Lan-arloko 4. Epaitegiak otsailaren 8an ezagutzera emandako ebazpenaren ondoren dator. Ebazpen horretan, epaitegiak baliorik gabe utzi zituen ArcelorMittal konpainiak eta Sestaoko ACB lantegiko enpresa-batzordeak fabrika hori berriro irekitzeko adostu zituzten lan-baldintzak. Hartara, bi aldeen arteko itunean bildutako neurriak baliogabetzeko eta horiek indarrean sartu aurretik langileek zituzten lan-baldintzak berriro ezartzeko agindua eman zuen epaileak.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.