Santanderrek Popular erosi du, euro baten truke
Euro bat. Kopuru sinboliko hori ordaindu du Santander bankuak Popularraren % 100 erosteko. Egunak zeramatzan Emilio Saracho buru duen finantza erakundeak burtsan galerak izaten —bere balioaren % 50etik gora galdu du—, eta Europako Banku Zentralak Popularraren bideraezintasunaz eta erortzeko arriskuaz ohartarazi zuen atzo bertan. Hala, operazioa egiteko baimena du Europako Batzordeak.
Santanderrek berak ohar bidez eman du horren berri. "Ongietorria eman nahi diegu Popularreko bezero guztiei, Santander Taldeko kide dira aurrerantzean. Gogor egingo dugu lan trantsizio epe honetan eta etorkizunean ere zerbitzu ona eskaintzeko", azaldu du testuan.
Europako Ebazpen Bakarreko Batzordeak onartutako salmenta prozesu lehiakor baten emaitza da operazioa, eta Espainiako Banku Berregituraketa Ordenaturako Funtsak (FROB, gaztelaniaz) zuzendu du.
Eragiketa burutzeko ez da diru publikorik erabiliko, eta Santanderrek 7.000 milioi euroko kapital handitzea egingo du "Popularraren balantzea indartzeko behar den hornidura bermatzeko".
Ana Patricia Botinen bankuak Twitterren kaleratutako oharra:
Popularraren kotizazioa eten du Balore Merkatuaren Batzorde Nazionalak.
Santanderrek nabarmendu duenez, Popular erosita, Espainiako finantza erakunde handiena bilakatuko da. Santander izenpean jardungo duen konpainiak 17 milioi bezero izango ditu aurrerantzean.
Botin: "Ez dugu inoren presiorik jaso"
Ana Patricia Botin Santanderreko presidenteak ukatu du agintariek Popular banketxea erosteko presionatu izana: "Ez dugu inoren presiorik jaso". Erosketaren berri emateko agerraldian azaldu duenez, bankuak bere akziodunen "interesen alde" jokatzen du beti, eta oraingoan ere horrela egin du.
Azaldu duenez, Santandarrek ez zuen eskaintzarik egin Popularrek duela aste batzuk zabaldutako salmenta prozesu irekian. Europako Banku Zentralak bankua porrotetik gertu jotzean, baina, eskaintza bat egiteko proposamena jaso zuen Santanderrek. "Duela aste batzuk aurkez genezakeen eskaintzaren oso bestelakoa aurkezteko moduan ginen", zehaztu du. Hori horrela, prezioa zehaztuta, akordioa asteazken honetako 07:00etan izenpetu dute Europako agintariekin.
Zure interesekoa izan daiteke
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean Greba Batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurralde arteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.