Montorok zerga amnistiak legez debekatzea proposatu dio Kongresuari
Cristobal Montoro Ogasun eta Funtzio Publikoko ministroak amnistia fiskalak legez debekatzea proposatu die Kongresuko taldeei, etorkizunean antzeko neurririk onar ez dadin.
Montorok berak eskatuta Kongresuko Ogasun Batzordean egindako agerraldian azaldu duenez, "erregularizazio prozesu hauek inori ez zaizkiola gustatzen frogatu ostean" egin du proposamena, eta Auzitegi Konstituzionalak 2012ko lege dekretua baliogabetu ondoren.
Montorok gaineratu du amnistia fiskalak zaharkituta geratuko direla nazioarteko gardentasun testuinguru berrian, 2018an indarrean sartuko baita herrialde askotako zerga informazio trukea, tartean "orain arte paradisu fiskal zirenak".
Montorok berretsi du zerga iruzurraren kontra borrokatzeko konpromisoa duela Espainiako Gobernuak, eta iragarri du Ogasun Ministerioa Zerga Agentziako langile kopurua handitzeko neurri bat prestatzen ari dela, aurtengo lan eskaintza publikoarekin batera.
Azalpenek ez dute oposizioa ase
Oposizioko taldeentzat Ogasun ministroaren azalpenak ez dira nahikoa izan.
Julian Lopez Milla PSOEko diputatuak kritikatu du Montorok PSOEko buruzagiek amnistia fiskala baliatu izana iradoki duela, eta prozedura horren onuradunen zerrenda ezagutzen duen galdetu dio, eta argitara dezala horien zerrenda. Lopez Millak Montororen dimisioa eta barkamena eska dezala eskatu du.
Alberto Garzon Unidos Podemosen diputatuak esan du Montorok bazekiela araua "inskonstituzional" deklaratuko zutela, eta zergadunen beharrari kaltetu diola salatu du.
Francisco de la Torre Ciudadanosen diputatuak gogorarazi du amnistia fiskala zergak barkatzea dela RAEren arabera, ministroak erregularizazio deitzen dion arren. Gainera, amnistiak legez debekatzea proposatu izana kritikatu du, Konstituzionalaren ebazpenak zerga amnistien legeei ateak ixten dizkielako.
Gaurko saioko une gogorrena Ignasi Candela Compromiseko diputatuaren adierazpenekin iritsi da, Montorori "kriminalen diru zuritzaile" deitu diolako. Antonio Pradas Batzordearen presidenteak adierazpen horiek txostenean ez jasotzea eskatu du.
Idoia Sagastizabal EAJren diputatuak PPren Gobernuak 2012an gehiengo osoa "gehiegikeriaz" erabili zuela esan du, eta defizit publikoa saihesteko adostasunak bila zitzakeela, amnistia fiskalaren beharrik gabe.
ERCtik, Ester Capella diputatuak azpimarratu du injustua izan zela neurria, "aberats iruzurgileek prezio baxuan" egin ziotelako aurre zerga beharrari, eta autonomoei eta langileei isuna jartzen dietelako edozein hutsegiteren aurrean.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.