1.500 tona hegaluze arrantzatu dituzte kanpaina hasieratik
Aurtengo kanpainak 1.500 tona hegaluze utzi ditu euskal arrandegietan, eta, gainera, Bizkaiko Golkoan arrantzatu dituzte.
Hegaluze kanpainaren erdia igaro denean, Arantxa Tapia Garapen Ekonomiko eta Azpiegitura sailburuak horren balorazioa egin du Getarian.
Iaz baino apur bat gutxiago arrantzatu duten arren, "bide onetik doa" eta "hala jarraitzea espero dugu", esan du Tapiak.
Orain arte, arrantzatutako hegaluze gehienak Eusko Label zigiluarekin saldu dituzte.
Gainera, "modu jasangarrian" harrapatu dituztela azpimarratu du sailburuak.
Banan-banan harrapatuta
Eusko Jaurlaritzak, HAZIren bitartez, hainbat promozio jarduera egiten ditu produktua ezagutzera emateko eta hegaluzearen ospea eta salmentak handitzeko, esaterako, Euskadiko arrandegietan promozio jardueren bitartez, herrietako jaietan hegaluzea parrillan erreta probatzeko aukera emanez, eta establezimenduetan eta ekitaldietan publizitatea eginez.
Jaurlaritzak ohar baten bidez azaldu duenez, "Eusko Labela duen hegaluzea kalitate handiko arraina da, Euskadiko arrantza-ontziek banan-banan eta sarerik gabe harrapatutakoa, hau da, arrantza sistema tradizionala erabiliz harrapatutakoa: kanaberarekin (beita bizia) eta xaxian edo kazan".
"Metodo horiek, arrainaren kalitatea hobetzeaz gain, arrantza-tokien iraunkortasuna eta itsasoko baliabideen zaintza bermatzen dute. Arraina bereizteko, isatsean hautsi ezin den segurtasuneko zigilu zuri bat jartzen zaie Eusko Label sinboloarekin eta beste datu batzuekin, esaterako, horri bakarrik dagokion kontrol zenbaki batekin", gaineratu dute.
Eusko Labela duen hegaluzeak honako ezaugarri hauek eduki behar ditu:
-Espeziea: “Hegaluzea (Thunnus alalunga)
-Arrantza-ontziak: EAEko ontziek harrapatutakoa, arrantza metodo tradizionalak erabiliz: beita bizia eta xaxiango edo kazako arrantza.
-Hautaketa zorrotza: tamaina eta freskotasunari begiratuta, bakarrik piezarik hoberenak aukeratu eta identifikatzen dira.
-Gutxieneko neurri bat izan behar dute: "Hegaluzea", 4 kilotik gora.
-Freskotasun kategoria adierazita eduki behar dute: "Apartekoa" eta "A".
-Portuak: EAEn baimendutako arrantza portuetan jasotzen dira (Hondarribia, Getaria, Bermeo, Ondarroa eta Pasaia).
Deskargen datuak
Orain arte 1.524,5 tona hegaluze lehorreratu dira, horietako 1.172,8 tona Gipuzkoako portuetan (675,8 Getarian, 473,5 Hondarribian eta 23,5 Pasaian), eta gainerakoa Bizkaiko portuetan (141 Ondarroan eta 210,7 Bermeon). Batez beste, kiloa 4,12 euro eta 4,49 euro bitartean saldu dute.
Oro har, orain arte erregistratutako harrapaketek Jaurlaritzak kanpainaren hasieran egin zituen "aurreikuspen baikor baina moderatua berretsi dute", 2015eko eta 2016ko kanpainek goranzko joera erakutsi eta gero.
Lonjako prezioak ere 2016koak baino hobeak dira, batez beste 3,79 euroan saldu baita kiloa, 2015ean baino 36 zentimo garestiago. 2016an euskal kofradietan enkantean jarritako hegaluze erdiak baino gehiago Getariako portuan deskargatu ziren, eta Hondarribia, Pasaia eta Ondarroa daude sailkapen horretan hurrengo. Bermeon bakarrik izan zen harrapaketa gutxiago, bakarrik kazako arrantza erabiliz harrapatzen baitituzte hegaluzeak bertako arrantzaleek.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.