Ontziolaren kontrola hartzeko eskatu dio Navaleko batzordeak Jaurlaritzari
Sestaoko Navaleko enpresa batzordeak ontziolaren kontrola bere gain hartzeko eskatu dio Eusko Jaurlaritzari. Naval ontziola laster sartuko da hartzekodunen konkurtsoan eta azken 10 urteotako kudeaketa bere gain hartzeko galdegin die enpresa batzordeak akziodun nagusiei, konpainia egoera horretan egotearen erantzule direla iritzita.
Lantegian bertan egin duten prentsaurrekoan, Pedro Gonzalez enpresa batzordeko presidenteak eta Juanjo Llore idazkariak Espainiako Gobernua eta Eusko Jaurlaritza kritikatu dituzte. 2006an Naval ontziola pribatizatzea aurpegiratu diote Espainiako Gobernuari, eta pribatizazioari onespena ematea, berriz, Eusko Jaurlaritzari.
Bestalde, Navaleko akziodun nagusien kontra (Ingeteam eta Murueta) ere egin dute. Enpresa batzordearen esanetan, akziodun nagusiek "kontrolik gabe" eutsi diote azken hamarkadan ontziolari, eta "aberasteko" asmoarekin aritu dira lanean, ontziolaren etorkizuna baino, "beren enpresak gogoan hartuta".
Enpresa batzordeak iragarri duenez, datorren asteazkenean 24 orduko itxialdia egingo dute langileek Naval ontziolan. Ostegunean, enpresa batzordeak akziodun nagusiekin bilera egiteko asmoa du, "beharrezko azalpen guztiak" eskatu eta konpainiaren benetako egoera ezagutzeko. Halaber, manifestazioa egingo dute datorren astean Ezkerraldean.
Bestalde, Sestaoko Navaleko enpresa batzordea alderdi politikoekin bilduko da datozen egunotan, gaurtik hasita. Enpresa batzordeak Arantxa Tapia Ekonomiaren Garapen eta Azpiegitura sailburuari ere eskatu dio bilera egiteko hitzordua, eta erantzunaren zain dago.
Alderdi politikoekin bilera-sorta
Navaleko enpresa-batzordea EH Bilduko ordezkariekin bilduko da astearte honetan, ontziolaren egoeraren berri emateko, gaur EAJrekin eta PSErekin gauza bera egin ondoren.
Hitzorduan Arnaldo Otegi idazkari nagusiak eta Iker Casanova, Jasone Agirre eta Asier Vega legebiltzarkideek parte hartzea espero da.
Horrela, enpresa-batzordea Idoia Mendia PSE-EEko idazkari nagusiarekin bildu da goizean, Bilbon. Enpresaburuekin eta erakundeekin batera negoziazio mahai bat martxan jartzeko proposamena babestu dute sozialistek.
Ondoren, EAJko ordezkaritza batekin hitzordua izan dute langileen ordezkariek Sabin Etxean, Bilbon. Bertan izan dira Andoni Ortuzar presidente jeltzalea eta Joseba Aurrekoetxea eta Kepa Aldama burukideak.
EH Bildurekin bildu ondoren, Navaleko enpresa-batzordeak Podemos Euskadirekin bilera egingo du asteazkenean. Bestalde, Arantxa Tapia Ekonomi Garapenerako eta Lehiakortasunerako sailburuarekin hitzordua adosteko zain dira beharginen ordezkariak.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.