Navaleko langileak: 'Konkurtsoaren kontra borrokatzeko garaia da'
"Enpresaren bideragarritasuna" defendatuta, Naval hartzekodunen konkurtsoan sartzearen kontra "borrokatzeko garaia" dela nabarmendu dute gaur Sestaoko ontziolaren langileen batzordeko ordezkariek.
Batzordea goizean bildu da, eta osatzen duten sindikatu guztiek "bat eginda" daudela azaleratu da bileran, langileen ordezkariek azpimarratu dutenez. Beharginak "arduratuta" daude egoerarekin, eta "zalantzak argitu" nahi dituzte.
Mobilizazioak ahotan eduki dituzten arren, ez dituzte zehaztu nahi izan eta ordezkari politikoekin, Jaurlaritzarekin eta akziodunekin datorren astean egin beharreko bileren ostean erabakiko dituztela iragarri dute.
Bilera sorta
Eusko Legebiltzarrean ordezkaritza duten alderdi guztiekin bilduko dira Navaleko batzordea. Hala, astelehenean Idoia Mendia PSE-EEko idazkari nagusiarekin eta Andoni Ortuzar EAJren EBBko presidentearekin batzartuko dira. Asteartean, EH Bildurekin dute hitzordua, eta asteazkenean, Alfonso Alonso Euskadiko PPren buruarekin. Elkarrekin Podemosekin itxiko dute alderdi politikoekin egingo duten bilera sorta.
Era berean, Arantxa Tapia Ekonomiaren Garapen eta Azpiegituretako sailburuari ere batzarra eskatu diote, baina oraindik ez diete zehaztu. Ostegunean, hilaren 7an, Akziodunen Batzarrarekin du hitzordua.
Behin bilerak bukatuta, langileekin batzarra egingo dute eman beharreko pausoak adosteko.
Jaurlaritzaren egitekoa
Langileen batzordeko kideek ez dute uste urriaren 7a baino lehen enpresa erosteko inbertitzailerik agertuko denik; "ezkorrak gara horretan", aitortu du Txema Belon UGTk batzordean duen bozeramaileak.
Horren esanetan, "hartzekodunen konkurtsoaren kontra borrokatzeko garaia da orain. Ez dugu uste hori konponbidea denik. Enpresaren bideragarritasuna babestu nahi dugu, lanean jarraitu behar dugu".
Inbertitzaileak bilatzeko prozesu honetan Eusko Jaurlaritzak "paper garrantzitsua" duela azpimarratu du Belonek, baita "egungo jabeak kontrolatzeko eta gauzak ondo egiteko presionatzeko orduan ere", erantsi du.
UGTko kidearen aburuz, ontziola erosi nahi duen inbertitzaile horrek "etorkizuneko egitasmoa prestatu behar du, epe luzekoa, ontziolaren eta Ezkerraldeko enpresa guztien geroa bermatzeko. Ez zaigu nor den axola, gure ardura Navalen etorkizuna da".
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).