CAFek Zeelanda Berrirako 15 tren elektriko egiteko kontratua sinatu du
Beasainen egoitza duen CAF enpresak ia 100 milioi euroko kontratua sinatu du Zeelanda Berriko Auckland hirirako 15 tren elektriko egiteko.
Tren horiek egiteaz gain, horiek 8 urtez mantentzeko lanak ere jasotzen ditu kontratuak. Horrez gain, litekeena da aurrerago unitate horien bateriak ere egitea.
Horren arabera, Papakura eta Pukekohe arteko linean (ez dago elektrifikatuta) zirkulatu ahal izateko gaitasuna ere izan dezakete. Gaur egun zerbitzua eskaintzen duten diesel-unitate zaharrenak ordezkatuko lituzkete.
2011n, 57 tren elektriko egiteko eta 12 urtez horiek mantentzeko lanak esleitu zizkion Auckland hiriak CAFi, eta unitate horiek 2014an jarri zituzten martxan.
Unitateak bezero berarentzat egindakoen antzekoak izango dira, eta honela osatuko dute bakoitza: hiru kotxe, kabina duten muturretako bi kotxe motor eta atoia duen tarteko kotxe bat. Guztira 380 bidaiarirentzako edukiera dute, eta tarteko kotxeak zoru baxua du, mugikortasun mugatua duten pertsonak eta gurpildun aulkian mugitzen direnak errazago sartu eta ateratzeko.
Argazkia: CAF
Zure interesekoa izan daiteke
Europak atzera egin du 2035ean errekuntza ibilgailuen salmenta debekatzeko asmoan
Auto elektrikoen eskariaren moteltzeak, sektorearen presioak eta Txinaren lehiak eraman dute Europako Batzordea erabakia hartzera: errekuntza-autoen ekoizpen "mugatua" baimenduko du 2035etik aurrera.
Bat eta Barik txartelekin ordaindu daiteke gaurtik Lurraldebusen
Abenduaren 23tik aurrera, Irungo eta Lasarteko hiri-autobusetan ere ordaindu ahal izango da Bat eta Barik txartelekin, eta Gipuzkoako gainerako herrietan, berriz, ordaintzeko makinak egokitu ahala erabili ahal izango dira.
Eusko Jaurlaritza: "Angularen egoerari buruzko azken txostenek erabaki hau hartzera behartzen gaituzte"
Leandro Azkuek, Eusko Jaurlaritzako Arrantza, Portu eta Itsasertzeko sailburuordeak, kudeaketa-plana eguneratzeko beharra azpimarratu du, "oraingo planak ez dituelako espero ziren emaitzak eman".
Angulazaleak: "Arrantzak soilik ez du angula hiltzen"
Unai Eizagirre Euskadiko Angulero Elkartearen presidenteak adierazi du angularen arrantzaren atzean lanbide bat dagoela, "gorde beharrekoa", eta dio debekuak ez duela "espeziea salbatuko".
Unai Rementeria izango da BBK Fundazioaren presidente berria
Bizkaiko ahaldun nagusi ohiaren hautagaitza gehiengo osoz onartu du gaur izendapen batzordeak, eta bihar Fundazioaren batzordeak berretsi beharko du.
Euskadiko Anguleroen Elkarteak epaitegietara joko du arrantzan irten ahal izateko
ORAINek jakin ahal izan duenez, anguleroek ez dute beste irtenbiderik ikusi. EAEko anguleroak kexu daude Eusko Jaurlaritzak aurtengo angularen arrantza-kanpaina bertan behera utzi duelako, Espainiar eta Frantziar estatuetako beste anguleroek arrantza baimenduta izango duten bitartean. Eusko Jaurlaritzak erabakia errespetatzen duela adierazi du.
Kanpoan lan egiten duten Euskadiko eta Nafarroako talentu gazteen % 85ek baino gehiagok itzuli nahi dute
Ikerketa baten arabera, sorterritik kanpo lan egiten dute 25 eta 40 urte bitarteko EAEko 30.000 gaztek eta Nafarroako 12.000k, eta gehienek politika aktiboak eskatzen dituzte haien etxera itzultzeko. Gazteen diaspora horretan kualifikazio handiko profilak daude, ingeniariak, enpresa-kudeatzeileak eta STEM adarreko langileak, besteak beste. Gainera, egonaldi luzea egiten duten atzerrian, % 60k sei urte baino gehiago ematen dituzte sorterritik kanpo.
Osakidetzak 5.425 lanpostuko lan-eskaintza publikoa deituko du 2026an
Berrikuntza gisa, desgaitasun intelektuala duten pertsonentzako 25 lanpostu eskainiko dira, zeladore eta zerbitzu langile kategorietarako. Horrez gain, betetzen zailak diren postuak eskuratzeko bigarren Lan Eskaintza Publikoa (LEP) deituko du Osakidetzak datorren urtean, oraindik hutsik dauden postu guztiak betetzeko asmoz.
Talgok Deutsche Bahn operadorearekin adostu du 230 modeloaren hornidura-kontratua 79 trenetik 60ra murriztea
Akordio horrek fabrikazio irismena 79 trenetik 60ra murriztea jasotzen du, baina eskaera 100 trenera arte luzatzea ahalbidetuko lukeen esparru kontratuari eutsiz, eta, aldi berean, epe luzerako errebisio eta mantentze lan kontratu berri bat gehitzen du, baita proiektuaren egutegia doitzea ere, besteak beste.
Trafikoa bere onera etortzen hasi da Biriatun, ibilgailu astunei ezarritako debekua altxatu ondoren
Ipar Euskal Herriko laborarien protesten ondorioz, ibilgailu astunentzat muga itxita egon da eta 12 kilometrorainoko auto-ilarak sortu dira arratsaldean.