CAFek RIFER enpresa italiarra erosi du
CAF Taldeak RIFER SRL muntatutako ardatzen eta bagoien mantentze-lanak egiten dituen enpresa italiarra erosi du, CAF Beasaingo tren-konpainiak ohar baten bidez iragarri duenez.
Konpainiaren esanetan, erosketa horri esker, muntatutako ardatzen mantentze-lanetako zerbitzuen negozioan duen kokapena indartuko du, eta lotutako beste zerbitzu batzuk eskaintzeko nahiz ordezkoen salmenta-bolumena (gurpilena bereziki) handitzeko aukera izango du.
RIFER enpresa Italian bagoiaren muntatutako ardatzen mantentze-lan zerbitzuak eskaintzen erreferentzia nagusia da, Milanen dago, Suitzako mugatik oso gertu, garraio intermodalen eta trenbideen nodo handi batean. CAFen iritziz, kokapen hori estrategikoa da, eta Erdialdeko Europako herrialde askotara zerbitzuak eta produktuak eskaintzeko aukera emango dio CAF MiiRAri.
Enpresa 60 pertsonatik gorako lantaldeak osatzen du, urtean 10 milioi euro inguruko fakturazioa du, eta hazkunde handia izan du azken urteetan.
"Operazio horri esker, CAF MiiRAk zerbitzuen portfolioa zabaldu eta indartu ahalko du; izan ere, Italiako eta Erdialdeko Europako merkatuan duen kokapenaz gain eta produktuaren horniketaz harago zerbitzu integralak eskaintzeko aukeraz gain, operazio honekin CAF Taldea nabarmen sartuko da nazioartean muntatutako ardatzen mantentze-lan zerbitzu integralak eskaintzeko negozioan", nabarmendu du.
Halaber, Cosmef WM enpresan gutxieneko partaidetza eskuratu du; RIFER SRLren talde bereko enpresa da, antzeko neurria du, eta bagoiaren mantentze-lan astuna egiten du.
Bestalde, Beasaingo tren-konpainiak aurreko astean jakinarazi zuen Newport hirian (Gales) kokatuko duela Erresuma Batuan irekiko duen lantegi berria. 300 langile izango ditu, eta 32 milioi libera (38 milioi euro inguru) inbertituko ditu bertan lantegia martxan jartzeko.
Zure interesekoa izan daiteke
OPEP+ek ekainerako petrolio eskaintza erabakiko du Vienan, mundu mailako energia krisiaren erdian
Zazpi ekoizle handi baino ez dira bilduko (Saudi Arabia, Errusia, Irak, Kuwait, Kazakhstan, Aljeria eta Oman) batzarrean, Arabiar Emirerri Batuek erakundea uztea erabaki ondoren.
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.