Aurrekontuak negoziatzeko 'aukera gutxi' dagoela esan du Egibarrek
Eusko Jaurlaritzak 2018rako aurkeztu duen aurrekontu proposamena negoziatzeko "aukera gutxi" dagoela esan du Joseba Egibar EAJren bozeramaileak. Akordiorako dauden aukera eskasak ikusita, onartu du, hori bai, Alderdi Popularrak mahai gainean jarritako zerga-erreforma aztertu egin beharko dutela.
Besteak beste, aurrekontuen negoziazioa izan dute hizpide Radio Euskadin euskal alderdietako legebiltzarkideek.
EH Bildurekin eta Elkarrekin Podemosekin akordiorako aukerak ia baztertuta, Egibarrek esan du nahitaez aztertu beharko dutela zerga-erreforma, PPk mahai gainean "baldintza" hori jarri duelako. Gainerakoan, "negoziaziorako aukerak oso murritzak" direla aitortu du.
Pello Urizar EH Bilduko legebiltzarkideak gogor kritikatu du aurrekontu proposamena, eta EAJk eta PSE-EEk adostutako zerga-erreforma "azalekoa" izan dela adierazi du. "Bazirudien PSE-EEk sozietateen gaineko zergaren jaitsierarik ez zuela inolaz ere onartu behar, baina jakinekoa da lehendakariak zerga hori moldatuko duela, PPren babesa lortzeko", esan du.
Lander Martinez Elkarrekin Podemoseko bozeramailea ere ildo beretik mintzatu da. "Aurrekontu sozialagoak" adosteko borondaterik ez izatea egotzi dio EAJri. Datorren urterako diru-kontuak onartzeko dituen "zailtasunak" ikusita, Jaurlaritzak nora begiratu ondo aztertu beharko lukeela gaineratu du.
Aurrekontuen negoziazioa eta zerga-erreforma ez nahastea eskatu du, berriz, Eneko Andueza PSE-EEko legebiltzarkideak. Horren hitzetan, "kontzeptuak eta edukiak" ez dira nahastu behar. "Ahalik eta aurrekontu onenak aurrera ateratzeko lanean ari gara. Baldintzak jartzea eta gauzak nahastea ez da egokia", esan du.
Anton Damborenea PPko buruzagiak, bere aldetik, nabarmendu du Eusko Jaurlaritzak "lotu" duela erreforma fiskala aurrekontuekin, ez Alderdi Popularrak.
Albiste gehiago ekonomia
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
LAngileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.